Vise-Prezidente Parlamentu Nasionál, Maria Angelina Lopes Sarmento. Imajen Tatoli/Egas Cristóvão

DILI, 19 maiu 2020 (TATOLI)—Bankada Parlamentár Frente Revolusionária Timor-Leste Independente (FRETILIN), Partidu Libertasaun Populár (PLP) no Kmanek Haburas Unidade Nasionál Timor Oan (KHUNTO) sei keixa deputadu balun hosi CNRT ne’ebe baku-fila kadeira no meza Prezidente PN, Arão Noé de Jesus da Costa Amaral nian ba Ministériu Públiku (MP).

“Klaru, ami sei hato’o keixa tanba ida-ne’e krime ida-ne’ebé kontra ona órgaun soberanu, tanba koko uza violénsia no forsa hodi paraliza funsionamentu Parlamentu Nasionál. Orsida, ami sei prepara tanba kazu ida horisehik ami keixa tiha ona,” Vise-Vise-Prezidente Parlamentu Nasionál, Deputada Maria Angelina Sarmento Lopez, informa ba jornalista sira, iha Parlamentu Nasionál, tersa ne’e.

Deputada PLP ne’e dehan, akontesimentu ida ohin ne’e konstitui krime ida ona, iha artigu 204 hosi Kódigu Penál. Tanba sira tenta impede funsionamentu normál parlamentu nian.

Vise-prezidente PN ne’e afirma, akontesimentu ne’e tenke keixa ba Ministériu Públiku hodi hetan lialoos hosi kazu ne’e.

Tanba tuir nia, parlamentu ne’e labele funsiona ho ameasa, funsiona ho bandalizmu, funsiona ho brutalizmu no funsiona ho violénsia.

Notísia Relevante: Bankada FRETILIN, PLP no KHUNTO Keixa Deputadu CNRT Ba MP

Jornalista : Evaristo Soares Martins

Editór      : Cancio Ximenes

HAKEREK NO HATÁN

Please enter your comment!
Please enter your name here