Prezidente Parlamentu Nasionál, Arão Noé de Jesus da Costa Amaral. Imajen TATOLI/António Gonçalves

DILI, 08 maiu 2020 (TATOLI)—Prezidente Parlamentu Nasionál Arão Noé de Jesus da Costa Amaral hateten pedidu destituisaun ne’ebé hatama iha IV Lejizlatura lori tempu to’o fulan-neen (6), tanba ne’e pedidu foun ne’ebé hatama hosi bankada tolu mós hanesan.

“Uluk pedidu tama to’o fulan-neen, laiha problema ida. Ne’e katak ida-ne’e (pedidu destituisaun) mós hanesan. Ita hotu-hotu hein hodi halo análize no sei buka dalan ne’ebé ita hakarak hola. Krize (institusionál) la’ós foin mosu. Dezde 2020 orsamentu la aprova ne’e, krize mosu tiha ona. Agora falta desizaun atu hakotu krize ne’e,” dehan Arão Noé de Jesus da Costa Amaral ba jornalista sira, hafoin hala’o análize hamutuk ba rekerimentu ne’e ho Xefe Bankada PD, António da Conçeição, no reprezentante bankada sira seluk iha Parlamentu Nasionál, sesta ne’e.

Nia afirma, se vise-prezidente na’in-rua hakarak prezide meza Parlamentu Nasionál bele maibé tenke tuir rejimentu no konstituisaun.

“Konforme sira (vise-prezidente hola desizaun), se rejimentu fó dalan bele halo. Laiha buat-ida. Parlamentu ninia odamatan nakloke loron to’o kalan. Se mak tuur ba meza ne’e hodi prezide halo favór halo, se tuir konstituisaun no tuir lei,” nia dehan.

Arão Noé dehan, pedidu destituisaun ne’e iha faze análize no haree opsaun saida mak sei hola hafoin fó resposta ba bankada tolu ne’ebé hatama rekerimentu ne’e.

“Ha’u sei haree opsaun saida mak sei hola kona-ba rekerimentu ne’e. Tanba ne’e, ami ne’e sei análize hela. Seidauk fó sai rezultadu tanba ami sei análize no sei estuda hela. Hanesan prezidente parlamentu, sei foti desizaun ne’ebé regula iha rejimentu Palamentu Nasionál nian artigu 17, alínea 1 kona-ba kompeténsia prezidente ninian,” nia esplika.

Tuir Rejimentu Parlamentu Nasionál artigo 17.º (Kompeténsias Prezidente Parlamentu Nasionál ho versaun portugés hanesan tuir mai:
1. Compete ao Presidente quanto aos trabalhos do Parlamento:
a) Presidir à Mesa;
b) Marcar as sessões plenárias e fixar a ordem do dia de acordo com o disposto no Regimento, ouvida a Conferência dos Representantes das Bancadas parlamentares;
c) Organizar as sessões plenárias;
d) Admitir ou rejeitar os projetos e as propostas de lei ou de resolução, os projetos de deliberação e os requerimentos, uma vez verificada a sua regularidade regimental, sem prejuízo do direito de recurso para o Plenário;
e) Receber e encaminhar para as comissões competentes os textos dos projetos ou propostas de lei e dos tratados, assim como das petições dirigidas ao Parlamento;
f) Manter a ordem, a disciplina e a segurança do Parlamento;
g) Assinar as atas das sessões e os documentos expedidos em nome do Parlamento;
h) Dar conhecimento ao Parlamento das mensagens, informações e explicações que lhe forem dirigidas; i) Promover à publicação dos debates e de todos os trabalhos e atos do Parlamento;
j) Convocar e presidir à Conferência dos Representantes das Bancadas Parlamentares;
k) Exercer as demais competências que a Constituição, o Regimento e a Lei Orgânica lhe atribuam.

Notísia Relevante: CNRT Konsidera Rekerimentu Bankada Tolu Laiha Razaun Destitui Arão Noé

Jornalista : Evaristo Soares Martins

Editór      : Cancio Ximenes

HAKEREK NO HATÁN

Please enter your comment!
Please enter your name here