Eis Prezidente Parlementu Nasionál, Arão Noé de Jesus da Costa Amaral. Imajen/António Gonçalves.

DILI, 07 maiu 2020 (TATOLI)—Prezidente Parlamentu Nasionál, Arão Noé de Jesus da Costa Amaral, sei halo análize hafoin fó resposta ba rekerimentu ne’ebé hatama hosi Bankada Parlamentár FRETILIN, PLP no KHUNTO.

Nia esplika, iha rekerimentu ba ajendamentu destituisaun ne’e mensiona no akuza Prezidente Parlamentu Nasionál halo violasaun grave no la kumpre rejimentu Parlamentu Nasionál.

Arão Noé konsidera rekerimentu ajendamentu ba destituisaun ne’e hanesan akuzasaun tanba afeta ba personalidade Prezidente Parlamentu Nasionál nian hanesan ema.

“Ho razaun ida-ne’e mak Prezidente Parlamentu Nasionál adia konferénsia líder bankada ne’ebé marka ba ohin ba tempu tuir mai, nune’e fó tempu ba Prezidente Parlamentu Nasionál halo análize no prepara resposta ba akuzasaun sira-ne’ebé sira iha rekerimentu ne’e,” dehan Prezidente Parlamentu Nasionál, Arão Noé de Jesus da Costa Amaral, liuhosi komunikadu imprensa ne’ebé Ajénsia TATOLI asesu iha Parlamentu Nasionál, kinta ne’e.

Nia haktuir, ajenda ne’ebé prepara ona hosi DIPLEN iha segunda-feira 04 maiu 2020 no Prezidente Parlamentu Nasionál marka konferénsia líder bankada iha loron ohin (kinta-feira, 07 maiu 2020).

Maibé iha tersa-feira (05 maiu 2020) lorokraik, Deputadu rekerente hatama rekerimentu iha husu ajenda ba destituisaun Prezidente Parlamentu Nasionál.

Tanba ne’e, Prezidente Parlamentu Nasionál sei halo análize hafoin fó resposta ba rekerimentu ne’ebé hatama hosi Bankada Parlamentár FRETILIN, PLP no KHUNTO.

Notísia Relevante: Bankada FRETILIN, PLP no KHUNTO Hatama Ona Rekerimentu Destituisaun Ba Meza PN

Jornalista : Evaristo Soares Martins

Editór     : Cancio Ximenes

HAKEREK NO HATÁN

Please enter your comment!
Please enter your name here