Portavóz Gabinete Sentru Integradu Jestaun Krize (CIGC), Sergio Lobo. Imajen/Egas Cristovao

DILI, 06 maiu 2020 (TATOLI)- Pesoál saúde Timoroan ida ne’ebé pozitivu  surtu Coronavirus ka COVID-19  rekupera ona no hodi hein tempu besik bele re-integra ba família.

Notísia Relevante : Dadus COVID-19, Pasiente Rekoperadu 21

“Ohin, ita hetan tan númeru rekuperadu ida  (1) pesoál saúde ne’ebé uluk afetadu agora rekupera ona, teste negativu dala rua,” informa Sergio Lobo, nu’udar mós Koordenadór Forsa Tarefa Prevensaun no Metigasaun Surtu COVID-19 ba jornalista sira liuhosi konferénsia imprensa iha Sentru  Mídia CIGC, kuarta (06/05/2020), iha Sentru Konvensaun Dili (CCD).

Nia esklarese katak, agora daudaun pasiente COVID-19 hamutuk ema na’in-hitu (7) mak too agora sei kontinua baixa hodi halo tratamentu saúde iha Sentru Izolamentu Vera Cruz Dili ho kondisaun di’ak no ema na’in-21 rekupera ona.

Sergio Lobo hatutan, pesoál saúde hamutuk 21 agora sei kontinua hela iha fatin kuarentena hodi ekipa observa nafatin sira-nia saúde too rekupera foin fila ba uma.

 Jornalista   : Eugénio Pereira

Editór        : Francisco Simões

 

HAKEREK NO HATÁN

Please enter your comment!
Please enter your name here