Grupo Joventudi Mane no Feto hatudu sira nia skill liu husi pinta parede ho dezenho oin-oin hanesan ema defisiente ,estudante no manu pombu iha area Bebora, Dili 5 Jullu 2019.Imajen/Antonio Goncalves

DILI, 12 marsu 2020 (TATOLI)–Diretora Plan Internasionál iha Timor-Leste, Dyliana Danten Ximenes hateten, atu labarik feto sira seguru no saudável iha futuru tenke hapara labarik feto sira kabén sedu no hapara kontra violénsia hasoru labarik feto no foinsa’e feto sira.

Nia hatutan, atu labarik feto sira seguru no saudável, lider sira hotu iha Timor-Leste atu kontinua esforsu empodera no lidera labarik feto no foinsa’e feto sira.

“Atu labarik feto sira seguru no saudável iha futuru tenke hapara labarik feto sira kabén sedu no hapara kontra violénsia hasoru labarik feto no foinsa’e feto sira Tanba ne’e, ha’u husu ba lider sira hotu hodi kontinua halo komitmentu atu esforsu empodera lidera ita-nia oan no labarik jovén sira,” dehan Dyliana Danten Ximene ba jornalista sira iha Palásiu Nobre Lahane, Dili, kinta (12/3/2020).

Dalan di’ak liu, nia hateten, fó opurtunidade ba labarik feto no foinsa’e feto sira hodi asesu ba edukasaun husi idade sedu ho nível as liután no fó opurtunidade mós hodi bele lidera sira-nia dezenvolvimentu rasik.

Nia hatutan, fó opurtunidade no fiar ba labarik feto no foinsa’e feto sira hodi bele foti desizaun ne’ebé liga ho sira-nia isin-lolon no mós fó suporta no aseita ba sira hodi bele moris buras tanba feto Timor ne’ebé mak forte tenke komesa husi labarik feto no foinsa’e feto sira.

Eventu ne’e realiza tanba Gabinete Apoiu Atividade Konjuga Prezidente Repúblika (GAACPR-sigla portugés) serbisu hamutuk ho Plan Internasionál TL ho fundus hamutuk besik rihun $8.

Notísia Relevante: Autór Kazu Infantisídiu Presiza Mekanizmu Apropriadu  no Rigorozu

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here