Sekretária Estadu Igualdade no Inklusaun, Maria Jose da Fonseca Monteiro de Jesus. Imajen Tatoli/ Egas Cristovão

DiLi, 12 marsu 2020 (TATOLI)–Sekretáriu Estadu Igualidade no inkluzaun (SEII), Maria José da Fonseca Monteiro de Jesus hateten, kazu infantisídiu no kazu abandonu bebé ne’e la’os foin akontese maibé akontese beibeik ona ne’ebé atu halakon kazu ne’e presiza kolaborasaun ema hotu nian.

“Klaru ita iha kazu abandonu no infatisídiu, rua ne’e la hanesan. Kazu abandonu bebé ne’e katak babé ne’e moris mai sei dada iis, tau sees tiha iha fatin ruma no kazu infantisídiu ne’e katak halo lakon tiha bebé nia moris,” dehan Sekretáriu Estadu Igualidade no inkluzaun (SEII), Maria José da Fonseca Monteiro de Jesus, ba jornalista sira iha Salaun CNE, Dili, ohin.

Nia hatutan, ida-ne’e problema sosiál ida iha tempu balu nia laran hosi tinan hira kotuk mai to’o agora ne’e, Timor-Leste iha kazu lubuk ida be boot tebes. Atu halakon ida ne’e, sai responsabilidade ema hotu nian la’os Governu nia responsabilidade de’it.

Atu buka solusaun ba problema ida infantisídiu durante ne’e, nia dehan, hosi governu rasik liuliu Sekretária Estadu Igualidade Inluzaun (SEII) halo ona advokasia liu hosi Ministériu Saúde (MS) halo nia servisu liuhosi saúde reprodutiva.

Husi ministeriu Edukasaun  mós, nia hatutan, halo nia serbisu hanesan fó hanoin ba estudante sira no hosi Parlamentu Nasionál (PN) mós halo eventu balu atu bele tau hanoin hamutuk atu bele buka solusaun ba problema ne’e.

Atividades sira hanesan ohin, nia esplika, atu loke ema-nia hanoin hodi halo advokásia no SEII kontinua halo. Hein katak familia sira, instituisaun relijioza sira no parte oin-oin halo sira-nia knaar hodi hanorin valor umana, respeita ema-nia vida no labele halakon ema-nia vida.

Tanba ida ne’e, nia dehan, valór ida ne’ebé la’os impoin husi Governu no estadu maibé ida ne’e valór ida ne’ebé kuda iha famlília nia laran tanba edukasaun hahú hosi uma.

Tanba ne’e, nia hateten, bainhira mosu kazu abandonu ka infantisídiu labele fó sala de’it ba feto maibé mós fó sala hotu ba mane tanba fatór balun mane halo feto grávida no la tau matan entaun feto bele foti desizaun halakon tiha bebé nia moris.

“Ha’u hanoin fatór ne’e hamosu kazu abandonu bebé ka infantisídiu, akontese ema fó sala ba inan tanba kous hosi inan, automatokamente ema fó sala ba inan. Maibé, ita hatene katak situasaun sira hanesan ne’e la’os deit inan mak halo maibé iha mane balu halo feto isin-rua laiha responsabilidade. Entaun, feto tenta atu halo aktu sira ne’e, ba tau sees tiha bebé ka halakon tiha bebé nia moris,” nia hateten.

Nia dehan, fatór balu mak dala ruma maluk feto balu saúde mentál ema laiha resposabilidade ba sira, entaun mane balun halo nia gravida tiha, nia lahatene-an. Maluk feto balun, nia iha depresi nia laran, haluha hela nia bebé iha fatin ruma entaun ne’e kauza nia bebé nia moris.

“Maibé Sira ne’ebé halo ho konsiente ba sira-nia asaun sira, klaru katak ida abandona bebe no halakon bebé nia moris ne’e krime. Bainhira krime, kazu sira ne’e lori ba tribunál mak haree tuir evidénsia hotu ne’ebe iha hafoin foti desizaun. Ita-nia autór judisiáriu sira-nia papél importante tebes tanba kazu mosu to’o iha Tribunál, sira mak iha kompeténisa tomak para atu haree prosesu no foti desizaun ikus ba kazu ne’e. Ita hatene katak maluk barak mak tama ona iha prizaun,” nia dehan.

Notísia Relevante: Eroina-Eroi Ba Mudansa Na’in 12 Simu Sertifikadu

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here