DILI, 7 marsu 2020 (TATOLI)—Partidu Congresso Nacional da Reconstrução de Timor (CNRT), ohin, hala’o konferénsia estraordinária hodi aprova rezolusaun únika hodi reafirma pozisaun partidu CNRT nian atu fó resposta ba ezijénsia Prezidente Repúblika, Francisco Guterres ‘Lú Olo’, nian kona-ba rekezitu balun ne’ebé koligasaun foun seidauk prenxe.

“Rezolusaun únika ne’e reafirma pozisaun Partidu CNRT no rezolusaun ne’e, hahú vigora no pródús ho efeitu. Tanba ne’e, afirma vontade polítika partidu CNRT atu responde rezultadu hosi enkontru lider nasionál sira-nian ne’ebé fó-sai iha loron 10 fevereiru 2020,” dehan Sekretáriu Meza Konferénsia Nasionál, Adérito Hugo da Costa, liuhosi konferénsia imprensa ne’ebé hala’o iha sede CNRT, Bairro dos Grilhos, Dili, sábadu (7/3/2020).

Ho , nia hatutan, partidu polítiku neen (6), nomeadamente partidu CNRT, KHUNTO, PD, UDT, Frente-Mudansa, PUDD hato’o kedas vontade no konsentrasaun polítika hodi deklara iha 22 fulan fevereiru 2020 no normalmente transmite ona Prezidente Repúblika iha loron 27 fevereiru 2020.

Hugo dehan, partidu CNRT reafirma pozisaun hodi mantein iha Aliansa Maioria Parlamentár (AMP) ne’ebé forma ona iha fulan juñu 2018.

“Aprova mós kompozisaun Aliansa Maioria Parlamentár hodi akomoda liután vontade polítika ne’ebé espresa hosi Partidu Demokrátiku, Frente-Mudansa, UDT no PUDD, hola parte iha Aliansa Maioria Parlamentár, hodi hamosu konjuntura polítka foun atu hakotu impase polítika ne’ebé akontese iha Timor-Leste,” dehan nia.

Partidu Congresso Nacional da Reconstrução de Timor (CNRT), hala’o konferénsia nasionál hodi fó ba resposta ba ezijénsia Prezidente Repúblika, Francisco Guterres ‘Lú Olo’ kona-ba koligasaun foun seidauk prienxe rekezitu lei partidu polítiku nian.

Tanba, nia infroma, xefe estadu husu koligasaun foun lideradu partidu CNRT tenke kumpri rekezitu lei númeru 2/2016 de 3 de fevereiru.

Hosi lei númeru 2/2016 ne’e artigu 9 ne’e hateten partidu polítiku ne’ebé asosia iha koligasaun ka movimentu tenke hetan aprovasaun hosi kongresu ka konferénsia hosi partidu sira-ne’ebé envolve iha koligasaun.

Notísia Relevante: Koligasaun Foun Presiza Prenxe Rekezitu Balun

Jornalista : Evaristo Soares Martins

Editór      : Cancio Ximenes

HAKEREK NO HATÁN

Please enter your comment!
Please enter your name here