DILI, 06 marsu 2020 (TATOLI)–Prezidente Partidu Congresso Nacional de Reconstrução de Timor (CNRT), Kay Rala Xanana Gusmão, ohin, to’o iha Palásiu Prezidente Repúblika (PR) Bairru-Pité, Dili, iha tuku 9:00 dadeersan.

Iha biban ne’e, Xanana Gusmão mak lidera koligasaun foun atu marka audiénsia ho Prezidente Repúblika, Francisco Guterres “Lú Olo”.

Iha enkontru refere, Sekretáriu Jerál PD, António da Conceição, nu’udar Sekretáriu ba Koligasaun Foun hala’o knaar hodi anota hela rezultadu audiénsia refere.

Entrerantu, PD reprezenta husi Prezidente Mariano “Assanami” Sabino ho Sekretáriu Jerál PD, António da Conceição.

Partidu KHUNTO, reprezenta husi Prezidente Armanda Berta dos Santos, Prezidente Ein-ezersísiu UDT, Rodolfo Aparício Guterres, Prezidente Interinu FM, Egídio de Jesus, no Prezidente PUDD, António de Sá Benevides.

Lori tempu naruk, hori outubru 2018, Xanana nunka hasoru-malu ho Prezidente Repúblika, Lú Olo, maibé ohin konsege hasoru-malu tanba de’it atu halo audiénsia hodi ko’alia kona-ba koligasaun foun hodi forma Governu foun.

Entretanu, iha área Palásiu Prezidente Nicolau Lobato, Bairru-Pite, hetan seguransa másimu hosi Polísia Nasionál Timor-Leste (PNTL).

Notísia Relevante: Xanana Gusmão Sei Aprezenta Ezisténsia Koligasaun Foun Ba PR Lú Olo

Jornalista : Cipriano Colo

Editór       : Cancio Ximenes

HAKEREK NO HATÁN

Please enter your comment!
Please enter your name here