Imajen TATOLI/Osória Marques.

GLENO, 06 marsu 2020 (TATOLI)–Koordenadora Rezidente UN Women, Sunita Caminha hateten, aselera progressu igualdade jéneru presiza ema hotu nia kontribuisaun hosi setor oin-oin.

“Ita hatene katak ita atu aselera progresu Igualdade jéneru no presiza ema hotu nia kontribuisaun husi setor no entidade oin-oin,” dehan Xefe UN Women, Sunita Caminha, iha ninia deskursu iha Selebrasaun Loron Feto Interasional ho tema “Ha’u Mak Jerasaun Igualdade: Hamutuk Hakonu Direitu Feto Nian” ne’ebé hala’o iha iha Salaun Paróquia Gleno, Ermera, ohin.

Nia hatutan, problema boot ne’ebé mak presiza atu hakotu mak violénsia hasoru feto no labarik feto sira tanba tuir rezultadu peskiza ne’ebé bazeia ba demografikasaun ninian hatudu katak iha tinan 2016, iha Ermera, iha 90% husi feto ne’ebé sente justifika laen ka mane sira-nia feen tanba iha razaun balun.

“Ita hatene katak liu metade feto Ermera hasoru violénsia menus dala ida iha sira-nia moris. No, iha mundu tomak liuliu iha Timor-Leste, feto no labarik feto sira no ema ho defisiensia sira menus husi komunidade LGTBI ne’ebé hela iha área rural sira no sobrevivente hetan oportunidade ne’ebé limitadu,” nia relata.

Entretantu, Sekretáriu Estadu Igualdade no Inkluzaun (SEII) hatete Komemorasaun loron feto internasionál ne’e akontese tanba atividade movimentu serbisu na’in hala’o iha Amérika Norte nomós Europa nian ne’ebé hahú.

“Entaun, ohin loron, ita mós komemora hodi fó rekoñesementu ba atinjementu feto nian ne’ebé sein haree ba nasionalidade, lian, etnia, kuktura no seluk tan,” nia hateten iha nia deskursu.

Nia dehan, dala barak ema dehan feto la iha kapasidade atu hetan oportunidade tanba .

“Dala barak Ita sei nafatin hatete feto seidauk bele maibé ha’u hanoin ita iha kapasidade bainhira fó oportunidade ida ba ita feto. Dala barak oportunidade ba mane mak barak liu maibé sira la iha sei labele,” nia dehan.

Nune’e ohin Governu liuhusi SEII, MNEK, UN women hamutuk ho Administrasaun Ermera halibur sosiedade sivíl, komunidade internasionál no multijerasaun husi Ermera hodi selebra loron mundial iha salaun paróquia Gleno, Ermera.

Objetivu foti tema ne’e, nia ehan, atu halibur hamutuk advogadu Igualdade jéneru husi jerasaun oin-oin atu deskute ideia prioridade sira nune’e avansa no aselera advokásia no esforsu hotu-hotu hodie realiza feto nia direitu.

“Objetivu ba selebrasaun tinan ida ne’e atu rekonese no fó onra feto sira nia luta hodi harii Timor-Leste,” nia esplika.

Partisipa iha selebrasaun loron feto internasionál ne’e mak SEII, MNEK, Deonísio Soares da Costa Babo, vise Prezidente Parlamento Nasionál, Maria Angélica, membru PN, embaixadór Uniaun Europeia (UE), Andrew Jacobsr, Xefe UN Women, Sunita Caminha, Polisia, sosiedade sivíl, igreja, Autoridade Munisipál no funsionáriu no estudante nomos komunidade Ermera.

Notísia Relevante: Aban, TL Sei Selebra Loron Feto Internasionál iha Ermera

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here