Sekretária Estadu Igualdade no Inklusaun, Maria José da Fonseca Monteiro de Jesus. Imajen Tatoli/ António Goncalves.

DILI, 05 marsu 2020 (TATOLI)–Sekretária Estadu Igualdade no Inkluzaun (SEII) ho Ministériu Negósiu Estranjeiru no Kooperasaun (MNEK) ho parseiru nasionál, internasionál nomós diplomata sira iha Timor-Leste hamutuk ho komunidade Munisípiu Ermera sei selebra loron feto internasionál ne’ebé monu iha 8 marsu ne’e ho tema “Ha’u Mak Jerasaun Igualdade, Hakonu Direitu Feto Nian”.

Tuir SEII, Maria José da Fonseca Monteiro de Jesus, aban, TL sei komemora loron internasionál ba feto iha Munisípiu Ermera tanba espetativa mak ho esforsu atu halakon diskriminasaun no hakotu violénsia hasoru feto no labarik feto sira.

“Ita bele kontribui hodi hakonu mós sira-nia direitu no sira bele goza duni sira-nia moris,” dehan Maria José da Fonseca Monteiro de Jesusba jornalista sira hafoin partisipa Lansamentu Inisiativa Spotlight iha Hotel Timor, Dil.

Nia dehan, munisípiu tolu hanesan Ermera, Bobonaro no Viqueque mós hatudu prevalénsia aas ba violénsia, tanba ida ne’e mak sira hili Munisípiu Ermera hodi selebra loron internasionál feto iha ne’eba.

“Tuir Nasaun Unidas katak iha munisípiu tolu hatudu prevalénsia aas ba violénsia. Nune’e ita hili Ermera atu komemora loron internasionál ba feto tanba munisípiu seluk iha ona parseiru ne’ebé mak halo serbisu iha ne’ebá,” nia esplika.

Loron internasionál ba feto ne’e importante tebes no sei fó rekonesementu ba feto nia susesu sein haree ba nia nasionalidade, etnia, lian, polítika no sein hetan diskriminasaun.

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here