Primeiru-Ministru, Taur Matan Ruak. Imajen/ Egas Cristovao

DILI, 05 marsu 2020 (TATOLI)–Primeiru-Ministru (PM), Taur Matan Ruak, kongratula koligasaun foun ne’ebé forma husi partidu neen (6) atu forma governu foun.

“Ha’u kongratula koligasaun foun. Ha’u espera katak sira bele hametin, konsolida atu kria pasu foun ba oin,” dehan Primeiru-Ministru, Taur Matan Ruak, ba jornalista sira hafoin hala’o  enkontru semanál ho Prezidente Repúblika (PR), Francisco Guterres “Lú Olo” iha palásiu Prezidensiál Bairru-Pité, Dili.

Tanba, Primeiru-Ministru, Taur Matan Ruak hatutan, Timor-Leste presiza orsamentu atu hala’o atividade la’os de’it kontinua moris ho orsamentu duodésimu.

“Ita presiza iha orsamentu. Ita mós presiza programa atu ita-nia atividade sira bele la’o. Ita labele kontinua moris nafatin ho orsamentu duodésimu,” Taur hateten.

Entretantu, koligasaun foun estabelse ona lihusi asina akta iha Sábadu 22 fevereiru ne’ebé reprezenta husi Prezidente CNRT mak Kay Rala Xanana Gusmão, Prezidente PD, Mariano “Assanami” Sabino, Prezidente KHUNTO, Armanda Berta dos Santos, Prezidente Ein Ezersísiu UDT, Rudolfo Aprarício Guterres, Prezidente Interinu FM, Egídio de Jesus, no Prezidente PUDD, António de Sá Benevides.

Koligasaun ne’e rasik hato’o ona pedidu audiénsia ho Prezidente Repúblika, ne’ebé tuir planu sei realiza iha sesta (6 marsu 2020) aban.

Notísia Relevante: Xanana Gusmão Sei Aprezenta Ezisténsia Koligasaun Foun Ba PR Lú Olo

Jornalista : Ciprino Colo

Editór       : Cancio Ximenes

1 KOMENTÁRIU

  1. Ami povu, hanesan joven espera katak governu foun husi koligasaun foun sei diak liu, i fiar katak ulun fatuk sei la moras tan dala Ida iha loron ikus tuir mai ne.
    Joven hanesan novos gereções hakarak investe makas iha setor importante sira, liliu edukasaun atu garantia futuro nasaun nian no sira seluk atu garantia retornu estadu moan, no moos tenki garantia em termos de seguranca no nasaun nia setor saude no ambiental ……..

HAKEREK NO HATÁN

Please enter your comment!
Please enter your name here