Sekretariu Jeral Partidu FRETILIN, Mari Alkatiri. Imajen Tatoli/António Gonçalves

DILI, 03 marsu 2020 (TATOLI)—Sekretáriu Jerál Partidu FRETLIIN, Marí Alkatiri, observa katak ohin loron partidu boot sira labele sai fatór determinante maibé partidu ki’ik sira mak sai determinante fali ba kualkér konfigurasaun foun.

Nia hateten, Partidu FRETILIN nia estratéjia atu manán eleisaun tuir mai no manán ho maioria absoluta, mesak no depois mak halo inkluzaun.

“FRETILIN nia estratéjia atu manán iha eleisaun tuir mai, manán ho maioria absoluta, mesak no depois mak halo inkluzaun. Tanba ohin loron, ó la absoluta, partidu ki’ik mak sai fali determinante,” Sekretáriu Jerál FRETILIN, Marí Alkatiri informa ba jornalista sira hafoin partisipa iha Selebrasaun Loron Nasionál Veteranu iha Praça de Procklamação da Independéncia, Palásiu Governu, Dili, ohin.

Nia hatutan, ho dinámika polítika atuál FRETILIN lakohi hadau ukun iha dalan klaran ne’e maibé prepara estratéjia ba eleisaun normál ne’ebé sei akontese iha 2023 iha tinan hirak oin mai.

“Maibé Partidu FRETILIN úniku partidu ida-ne’ebé prontu. Se hakarak aban ba eleisaun, FRETILIN prontu,” nia dehan.

Koligasaun foun ne’ebé lidera husi CNRT daudaun ne’e bele dada iis no moris ka lae, Sekretáriu Jerál FRETILIN, Marí Alkatiri hatán, hodi fó ninia predisaun katak koligasaun foun ne’ebé lidera hosi CNRT sei la moris.

“Koligasaun foun ne’e la moris,” dehan Alkatiri ho liafuan badak.

Notísia Relevante: Partidu Lima Hamutuk ho CNRT Asina Ona Akta Koligasaun Foun

Jornalista : Evaristo Soares Martins

Editór       : Cancio Ximenes

2 KOMENTÁRIU

  1. Partido ki’ik la sai fator determinante maibe, partidu ki’ik sira hakarak atu kontribui ba dezemvolvimentu Rai ida ne no povo ida ba moris diak. Ohhh loron povo maduro ona ho partidu bot sira nia politika tamba ne mak partidu hotu nunka atu manan maioria absoluta, neduni esperansa ba partidu bot sira atu manan maioria absoluta ne hanesan estratezia deit.

  2. Partido boot halo politika hanesan labarik Kiik, labele hirus Wainhira partido kiik Mak determinante, ne desijaun povu nian. Povu atu hanorin Partido boot labele arogansia iha nasaun Ida nee..

HAKEREK NO HATÁN

Please enter your comment!
Please enter your name here