Partidu lima hamutuk ho CNRT asina ona akta koligasaun atu forma IX Governu Konstitusionál. Imajen espesiál

DILI, 22 fevereiru 2020 (TATOLI)—Partidu neen (6) kompostu hosi Partidu CNRT, PD, KHUNTO, UDT, PUDD no Frenti-Mudança (FM), asina ona akta koligasaun atu forma IX Governu Konstitusionál.

“Ohin, partidu neen (6) ami hamutuk sei hakotu impase polítika no ami asina ona akta. Ami fiar katak kadeira 34 sei garante estabilidade governativa”, Prezidente Partidu Congresso Nacional de Reconstrução de Timor (CNRT), Kay Rala Xanana Gusmão, informa liuhosi konferénsia imprensa, iha sede CNRT, Bairros dos Grilhos, Dili, sábadu ne’e.

Akta koligasaun ne’e asina hosi Prezidente CNRT, Kay Rala Xanana Gusmão, Prezidente PD, Mariano Assanami Sabino, Prezidente KHUNTO, Armanda Berta dos Santos, Prezidente En-ezersísiu UDT, Rodolfo Aparício Guterres, Prezidente Interinu FM, Egídio de Jesus, Prezidente PUDD, António de Sá Benevides.

Iha asina akta koligasaun ne’e partisipa hosi Eis Prezidente Repúblika, José Manuel Ramos Horta ho konvidadu sira seluk.

Jornalista: Evaristo Soares Martins

Editór: Cancio Ximenes

1 KOMENTÁRIU

HAKEREK NO HATÁN

Please enter your comment!
Please enter your name here