Primeiru-Ministru, Taur Matan Ruak. Imajen TATOLI/ Egas Cristovao

DILI, 25 fevereiru 2020 (TATOLI)–Primeiru-Ministru (PM), Taur Matan Ruak, sei esplika ba povu kona-ba razaun hato’o karta rezignasaun ba Prezidente Repúblika (PR) hodi husu demisaun husi kargu nu’udár Xefe Governu.

“Ha’u hanoin ita-boot sira rona ona. Koligasaun foun iha ona. Ha’u hanoin to’o tempu, ha’u sei esplika ba populasaun no ha’u hateten ba ita-boot sira katak demisaun ne’e válidu bainhira Prezidente dekreta. Kuandu seidauk dekreta, ha’u kontinua Primeiru-Ministru,” Xefe Governu Taur Matan Ruak promete no hato’o ba jornalista sira hafoin hala’o enkontru semanál ho Prezidente Repúblika iha Palásiu Prezidensiál, Bairru-Pité, Dili, tersa (25/2/2020).

Primeiru-Ministru aprezenta karta rezignasaun ne’e no promete sei kontinua hala’o serbisu hodi serbí povu tanba lakohi atu husik nasaun ne’e sem dirasaun.

Entretantu, karta rezignasaun ne’e PM Taur haruka ona ba Prezidente Repúblika iha segunda 24 fevereiru 2020 no aproveita enkontru semanál iha Tersa, ohin, Xefe Governu ne’e hakarak manisfeta liután ninia intensaun ba demisaun ne’e rasik.

Notísia Relevante: PM Taur Aprezenta Ona Karta Demisaun

Jornalista : Cipriano Colo

Editór       : Cancio Ximenes

HAKEREK NO HATÁN

Please enter your comment!
Please enter your name here