Sekretáriu Estadu Juventude no Desportu, Nélio Isaac Sarmento. Imajen Tatoli/ Egas Cristóvão

DILI, 25 fevereiru 2020 (TATOLI)-Federation International Football Asosiation (FIFA) ho Federasaun Futeból Timor Leste (FFTL), iha tersa (25/02/2020) deskute ona kona-ba sistema finanseiru ne’ebé di’ak hodi apoiu ezekusaun orsamentu ne’ebé apoiu hosi FIFA.

Sekretáriu Jerál Federasaun Futeból Timor – Leste (FFTL), Nélio Isaac Sarmento hateten, durante tinan rua ona, FIFA suspende hela ninia apoiu ba FFTL tanba la organiza Liga nomos relatóriu ezekusaun seidauk la’o tuir sistema finanseiru.

Notísia Relevante :FFTL Maka Sei Organiza LFA

“Reuniaun ho reprezentante FIFA nian ita hotu hatene katak durante tinan rua nian laran ne’e FFTL ne’e la’o hela ho fundus distritu, ida ne’e signifika katak fundus “keterbatasan anggaran” ne’ebé ita hetan suspensaun hela,”dehan, Nélio Isaac Sarmento, ba TATOLI iha edifísiu FFTL Formosa Dili.

“FIFA sira mós mai vízita bebeik fó hela rekomendasaun liliu oinsá  mak atu estabelese mekanizmu sistema finanseiru, akontabilidade pagamentu hirak ne’ebé tenke liuhosi dokumentu legál,”tenik tan.

Sekretáriu Jerál FFTL ne’e fiar katak ho sorumutu ne’e  FIFA sei re-ativa ninia apoiu orsamentu  sira ne’ebé suspende ona durante tinan 2 .

Tuir relatóriu FFTL nian katak iha tinan 2002 to’o 2007  FIFA fó ona apoiu orsamentu ho montante rihun 12  ba federasaun kada fulan.

Hosi 2007 to’o 2018 aumenta tan valór orsamentu ba rihun $ 50.000 kada fulan. 2018 to’o 2019  aumenta ba $ 100.000 kada fulan.

Alende ne’e FIFA mós apoiu osan ba FFTL ho kategoria point One ho Two katak apoiu iha sékulu ida no rua.

Sékulu ida kada tinan FIFA apoiu rihun $ 500 no sékulu rua  apoiu rihun $100 ba FFTL hodi haree ba kustu operasaun federasaun nian.

Jornalista: Hortencio Sanchez

Editór     : Agapito dos Santos

HAKEREK NO HATÁN

Please enter your comment!
Please enter your name here