Sekretáriu Estadu Juventude no Desportu, Nélio Isaac Sarmento. Imajen Egas Cristovão

DILI, 25 fevereiru 2020 (TATOLI)-Sekretáriu Estadu Juventude no Desportu, Nélio Isaak Sarmento, hateten resultadu sorumutu ho reprezentante Federation International Football Asosiation (FIFA) foinlalais rekomenda atu Federasaun Futebol Timor Leste  (FFTL) maka tenke organiza Liga Futeból Amadora (LFA) époka 2020.

“Mensajen sira ne’e maihosi FIFA rasik. Entaun hanesan Sekretáriu Estadu ida ha’u sei haree liga époka ida tuir mai ne’e tenke fila fali ba FFTL mak organiza para ita labele hetan fali suspende. Nune’e para FFTL bele toma responsabilidade ba liga ne’ebé hala’o,”dehan Sekretáriu Estadu, Nélio ba Agência TATOLI, iha edifísiu FFTL, Bairo Formosa, tersa (25/02/2020).

Nélio hatutan, governu tenke foti desizaun atu fó fila-fali liga LFA ne’e ba FFTL, atu nune’e FIFA bele re-ativa  apoiu finanseira ba Timor-Leste hafoin durante tinan rua suspende ninia apoiu sira ba dezenvolve desportu

“Orsamentu hosi Governu nafatin iha maibé organiza ne’e tenke hosi Federasaun. Liga tenke iha FFTL nia okos. Ita tenke foti desizaun hirak ne’e para bele ajuda FFTL hodi normaliza fali nia apoiu sira ne’ebé maihosi FIFA no seluk tan,”tenik Nelio Isaak.

Tuir Governante ne’e katak bainhira governu la foti desizaun hodi entrega eventu ne’e ba FFTL maka Federasaun iha podér atu hapara jogu sira LFA iha époka 2020.

Jornlista: Hortencio Sanchez

Editór   : Agapito dos Santos

HAKEREK NO HATÁN

Please enter your comment!
Please enter your name here