Primeiru-Ministru, Taur Matan Ruak. Imajen Tatoli/António Gonçalves

DILI, 20 fevereiru 2020 (TATOLI)–Primeiru Ministru (PM), Taur Matan Ruak hateten, Rezolusaun Governu númeru 16/2013 kona-ba ekstinsaun Grupu Arte Marsiál (GAM), ne’ebé hasai iha loron 2 jullu 2013, la boot liu Lei númeru 5/2017 19 abríl, ne’ebé promulga husi Prezidente Repúblika iha 12 abríl 2017, kona-ba rejime jurídiku prátika Arte Marsiál no Rituál sira, Arma Branka, inklui Rama Ambon no kinta alterasaun ba Kódigu Penál.

Taur hateten, ho razaun ida ne’e mak Governu liuhosi reuniaun Konsellu Ministru (KM) iha kuarta ne’e, aprova Proposta Rezolusaun Governu ne’ebé aprezenta hosi Primeiru-Ministru (PM), Taur Matan Ruak, ba revogasaun Rezolusaun Governu númeru 16/2013 10 jullu, ne’ebé bandu Grupu Arte Marsiál (GAM) hala’o atividade.

“Ekontru semanál ko’alia asuntu ida de’it. Informa ba Prezidente Repúblika Francisco “Lu Olo” Guterres kona-ba ba revogasaun Rezolusaun Governu númeru 16/2013 10 jullu. Husu atu aplika lei númeru 5/2017 19 abríl, tanba rezolusaun ne’e la boot liu lei. Lei uluk promulga husi ha’u, bainhira sei Prezidente Repúblika, tanba saida mak la aplika lei, maibé aplika mak rezolusaun. Tanba ne’e halakon rezolusaun,” dehan Primeiru Ministru, Taur Matan Ruak, hafoin hala’o enkontru semanál ho Prezidente Republika (PR), Francisco “Lú Olo” Guterres, iha Palásiu Preidensiál Bairru-Pité, Dili, ohin.

Entretantu, Governu liuhosi reuniaun Konsellu Ministru (KM) iha kuarta ne’e, aprova Proposta Rezolusaun Governu ne’ebé aprezenta hosi Primeiru-Ministru (PM), Taur Matan Ruak, ba revogasaun Rezolusaun Governu númeru 16/2013 10 jullu, ne’ebé bandu Grupu Arte-Marsiál (GAM) hala’o atividade.

Notísia Relevante: KM Aprova Rezolusaun Reativa Arte-Marsiál

Jornalista : Cipriano Colo

Editór      : Cancio Ximenes

1 KOMENTÁRIU

  1. Ta’uk de’it maka grupu arte marsial sira-ne’e nakfilak an ba fali forsa politika liuhusi harii partidu politiku. Ne’e perigu la halimar.

HAKEREK NO HATÁN

Please enter your comment!
Please enter your name here