Komandante Jerál Polísia Nasionál Timor-Leste (PNTL), Komisáriu Faustino da Costa. Imajen/Eugénio Pereira

DILI, 17 fevereiru 2020 (TATOLI)-Komandu Polísia Nasionál Timor-Leste (PNTL) promove komandante na’in-13 ho diviza Superintendente ba Superintendente Xefe no na’in-32 ba Inspetór Xefe.

Komandante polísia na’in-13 ho diviza Superintendente Xefe hetan ona aprovasaun husi Komandante Jerál PNTL, Komisáriu Faustino da Costa, iha loron 28 janeiru 2020 ho despaixu númeru 86/CG-PNTL/I/2020.

Ba Inspetór Xefe 32 hetan promosaun tuir lista ne’ebé aprova husi Komisaun Promosaun PNTL bazeia ba Diploma Ministeriál númeru 9/2017, 15 Fevereiru, ne’ebé aprova husi Segundu Komandante Jerál PNTL, Komisáriu Mateus Fernandes, iha loron 13 fevereiru 2020.

Lista naran ne’e hirak-ne’e, ohin, hahú taka ona iha kuadru avizu Kuartél Jerál  PNTL, Kaikoli, Dili, no tuir planu sei hala’o serimónia promosaun iha aniversáriu PNTL ba dala-20 iha loron 27 marsu 2020.

Komisáriu  Faustino da Costa, hateten promosaun ne’e hala’o bazeia ba lei, hodi promove membru sira ne’ebé kontribui ativu  ba progresu instituisaun PNTL.

“Ida-ne’e promosaun normál ida, ita halo tuir lei atu responde de’it ba prosesu ida ho ninia modalidade promosaun por-escolha hodi realiza iha loron 27 marsu agora”, hateten Komisáriu Faustino da Costa, ba jornalista, ohin, iha Kuartél Jerál PNTL, Kaikoli.

Komandante na’in-13 sira ne’ebé hetan promosaun ho diviza Superintendente Xefe; Superintendente Saudozu Lino da Silva Saldanha, Superintendente Arguimino Ramos, Superintendente Arnaldo de Jesus A.C. Araújo, Superintendente Orlando Gomes, Superintendente, Agostinho Gomes da Silva, Superintendente, Mateus Assunção Mendes, Superintendente, Natércia Eufrásia Soares Martins, Superintendente, Ludgero Picancio Madeira Lay, Superintendente Júlia Gama, Superintendente Inácio dos Santos Saldanha, Superintendente Marcos Sequeira Nunes, Superintendente Eugénio Pereira, Superintendente Olavio Cristóvão.

Superintendente Na’in-hitu Prenxe Rekizitu ba Vaga Hitu iha Komandu PNTL

Jornalista : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here