Eis Primeiru Ministru no atual Sekretariu Jeral Partidu Fretilin, Mari Alkatiri wainhira hasoru malu ho Primeiru Ministru Taur Matan Ruak iha Palacio Governu.Imajen/Media GPM

DILI, 17 fevereiru 2020 (TATOLI)—Sekretáriu Jerál Partidu Frente Revolusionáriu Timor Independente (FRETILIN), Marí Alkatiri hateten, ohin, hasoru malu ho Primeiru-Ministru Taur Matan Ruak ne’e la ko’alia kona-ba situasaun polítika atuál maibé ko’alia liu kona-ba asuntu Ró Haksolok.

“Iha ami-nia hasoru malu durante minute 15 nia laran ne’e, ami lako’alia kona-ba situasaun polítika atuál maibé ami ko’alia liu kona-ba asuntu Ró Haksolok,” dehan Sekretáriu Jerál FRETILIN, Mari Alkatiri, hafoin hasoru malu ho Primeiru-Ministru (PM), Taur Matan Ruak, iha Palásiu Governu, segunda (17/2/2020).

Entretantu, nia informa, atu responde ba situasaun polítiku atuál oras ne’e FRETILIN halo hela movimentu polítiku iha baze kona-ba situasaun polítika atuál.

“Fim de semana ne’e FRETILIN ba munisípiu hotu-hotu. Falta munisípiu tolu de’it. Ne’e mak movimentu polítiku tanba aliadu FRETILIN nian maka povu entaun tún ba baze hodi hasoru povu,” nia dehan.

Alkatiri argumenta, movimentu polítiku ne’e FRETILIN halo hodi hasoru kualkér desizaun tanba bazeia ba desizaun husi Prezidente Repúblika nia desizaun liuhosi reuniaun líder istóriku sira atu halo movimenta polítika ba situasaun polítika atuál.

Sekretáriu Jerál FRETILIN ne’e realsa, bainhira partidu polítiku sira la konsege forma governu foun, FRETILIN preparadu ba kualkér situasaun.

“Partidu FRETILIN preparadu ba kualkér eleisaun. Ami hakarak tanba kestaun prinsípiu, labele liu mak Eleisaun Antesipada hela de’it. Kualkér desizaun FRETILIN preparadu, ne’e feitu,” nia dehan.

Alkatiri hateten, FRETILIN la interese ba governu foun ne’ebé hela de’it tinan rua, FRETILIN preparadu ba eleisaun 2023.

Eis Primeiru-Ministru ne’e realsa, membru partidu CNRT ne’ebé la hetan pose ne’e depende ba Xanana Gusmão no Prezidente Repúblika, Francisco Guterres ‘Lú Olo’

Nia dehan, bainhira koligasaun foun FRETILIN la preokupa tanba partidu ne’e la’ós klube futeból ne’ebé bele fó impresta ba-malu.

Notísia Relevante:  Alkatiri: Tempu Besik Sei Solusiona Impase Polítika

Jornalista : Evaristo Soares Martins

Editór       : Cancio Ximenes

1 KOMENTÁRIU

  1. Uluk II Governo monu, Dr. Mari dehan dalan diak liu tenke ba EA, maibe ohin loron Dr. Mari lakohi ba hakat ba EA. ida ne’e mak sai kestaun mai ami povo, tanba sam mak uluk ne’e Dr. Mari lakohi trava tiha para la bele hakat ba Ea?????

HAKEREK NO HATÁN

Please enter your comment!
Please enter your name here