Sekretáriu Jerál FRETILIN, Marí Alkatiri. Imajen Tatoli/António Gonçalves

DILI, 07 novembru 2019 (TATOLI) – Líder nasionál, Marí Bim Amude Alkatiri deklara katak iha tempu badak nia laran, líder nasionál sira sei tuur hamutuk hodi buka solusaun ba problema rai-laran liuliu impase polítika ne’ebé to’o oras ne’e seidauk hetan solusaun. 

Alkatiri deklara sentidu optimizmu ne’e iha Centro Convenções Dili, ohin, hafoin sai oradór ba primeira konferénsia nasionál ne’ebé organiza husi Comité Orientadór 25.

Nia rekoñese katak durante ne’e laiha solusaun ba problema polítika tanba líder nasionál sira mak la tuur hamutuk atu ko’alia ba malu.

Tanba ne’e, nia kestiona mós katak tenke buka hatene loloos katak se loos mak lakohi atu tuur hamutuk.

“Maibé, ha’u fiar no hatene katak tempu to’o ona atu hetan solusaun ba ida-ne’e. Ba ha’u, situasaun komesa tasak ona no ha’u fiar duni katak iha tempu badak sei iha enkontru”, Marí informa.

Antes ne’e, sosiedade sivil, akadémiku, estudante no povu baibain husu ba líder nasionál sira hanesan Kay Rala Xanana Gusmão, Marí Alkatiri, Ramos Horta, Taur Matan Ruak no Francisco Guterres Lú Olo atu tuur hamutuk hodi buka solusaun ba situasaun polítika rai-laran.

Jornalista: Cipriano Colo

Editór: Xisto Freitas

HAKEREK NO HATÁN

Please enter your comment!
Please enter your name here