Portavós Eis-taballadór UNITAL, Felix Cristovão Pinto. Imajen: Tome Amado

DILI, 11 fevereiru 2020 (TATOLI) –Eis-traballadór na’in 61 konsidera deklarasaun Magnífiku Reitór Universidade Oriental Timor Lorosa’e (UNITAL), Florindo Pereira katak nia foin hasai despaisu hamutuk 17 ba dosente sira bazeia ba krize estudante ne’e “la loos”.

Nune’e mós eis-traballadór UNITAL sira desmente ho deklarasaun seluk reitór kona-ba nia la iha responsabilidade ho eis-traballadór sira seluk tanba molok nia asume kna’ar ne’e barak mak sai no rezigna- an ona.

Portavós Eis-taballadór UNITAL, Felix Cristovão Pinto konsidera Reitór Florindo Pereira nu’udar eis titulár ida maibé la intende didi’ak estatutu dosente permanente no dosente parte tempu nian.

“Ami husu ba Reitór ne’e atu asesu ba lei traballu ne’ebé vigora iha Konstituisaun Repúblika Demokrátika Timor-Leste atu nune’e bele hariku tan nia matenek,” Portavós Felix ba jornalista sira iha Ai-tarak Laran, ohin.

Reprezentante traballadór sira ne’e husu ba Reitór Florindo Pereira atu hatudu evidénsia katak los duni iha ninia mandatu foin mak hasai despaixu dala 17 de’it no nia la hatene traballadór sira seluk ninia vida.

Karik Reitór ne’e mak nafatin rezeita katak lahatene no lakohi responsalbeliza signifika laiha ona dalan atu halo tan mediasun no konsiliasaun. Dalan ikus mak sei lori malu tuir dalan legál ne’ebé vigór iha K-RDTL mak tribunál.

Prosesu mediasaun no konsiliasaun hotu ona, tanba ita haruka karta dala tolu ba UNITAL maibé sira la konsidera. Signifika husi konferensia Imprensa daruak ne’e atu justifika deklarasaun Reitór Florindo nian ne’e hodi levanta ba prosesu justisa.

“Molok ba tribunál ita sei hatama petisaun ba Parlamentu Nasionál nu’udar orgaun fiskalizadór iha semana ne’e atu hetan koñesementu hodi fiskaliza tanbasá mak osan ne’ebé ita investe tiha ba rekursu hodi ba eskola iha rai li’ur ikus mai la uza hodi buka fali ema seluk”.

Notísia relevante:UNITAL Seidauk Iha Estatutu Kontratu Asegura Dosente

Jornalista : Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here