Pasaporte Repúblika Demokratika Timor-Leste (RDTL). Imajen/Espesiál

DILI, 06 fevereiru 2020 (2020) – Diresaun Nasionál Rejistu Notariadu (DNRN) instala tan sistema pasaporte eletrónika iha munisipiu haat (4) parte leste nian hodi atende nesesidade povu nian.

Notísia Relevante : DNRN Kontribui Reseita Ba Kofre Estadu $1.794.775.00

Munisípiu Manatutu, Baukau, Vikeke ho Lautein, iha ona instalasaun rasik kona-ba pasaporte eletróniku ba kategoria pasaporte komún, diplomátiku no pasaporte servisu.

Diretór Jerál DNRN, Crisogno da Costa Neto. Imajen/Domingos Piedade

Diretór Jerál DNRN, Crisogno da Costa Neto, informa, daudaun ne’e Munisípiu Dili, Bobonaru ho Rejiaun Administrativa Espesiál Oekusi Ambenu (RAEOA) mak bele emite pasaporte, maibé DNRN instala tan ona sistema emisaun pasaporte ho eletróniku.

“Ha’u hetan orientasaun husi Ministru Justisa atu instala pasaporte eletróniku iha munisípiu haat parte leste nian atu komunidade sira husi parte leste nian hakarak ba estranjeiru hanesan eskola no serbisu, la presiza tenke to’o iha Dili,” Crisogno da Costa Neto, informa ba  Ajénsia TATOLI, ohin, iha nia kna’ar fatin, Mandarin, Dili.

Nia hatutan, munisípiu ne’ebé mak falta no seidauk iha atendimentu ba emisaun pasaporte eletrónika mak Aileu, Ainaru, Likisá, Suai, Ermera no Manufahi, tanba limitasaun orsamentu atu halo instalasaun ba mákina emisaun pasaporte eletróniku nian.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here