Diretór DNRN, Victor da Costa Neto. Imajen/Dok.Tatoli

DILI, 06 fevereiru 2020 (TATOLI) – Diresaun Nasionál Identifikasaun Sivíl no Rejistu Kriminál (DNISRK)  durante tinan 2019 emite ona kartaun Billete Identidade (BI) hamutuk 44,789 ba populasaun ne’ebé halo aplikasaun ba hetan BI.

Notísia Relevante : Mákina Imprime BI iha Lautem Avaria

Diretór Nasionál DNISRK, Victor da Costa Neto, ohin, iha nia servisu fatin, Bebora, Dili, informa, total kartaun BI ne’ebé DNISRK emite ne’e ba populasaun idade 12-16 hamutuk 1.265, idade 17-39 hamutuk 30.615, idade 40-49 hamutuk 8.855 no idade 60 hamutuk 4.054.

Iha janeiru to’o fevereiru 2020, DNISRK rejistu populasaun hamutuk 11.005 kompostu husi janeiru emite BI hamutuk 8.371 no fevereiru  hamutuk 2.634.

“Maske fulan fevereiru seidauk remata maibé ami iha ona dadus ba loron hirak nia laran,” hateten Victor da Costa Neto.

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here