Uma Tradisionál Munisípiu Lautem. Imajen/Google

DILI, 06 fevereiru 2020 (TATOLI) – Povu sira iha Munisípiu Lautem, oras ne’e, sei bele kaer hela billete identidade (BI) provizóriu ne’ebé imprime ho sura-tahan HVS ho medida A4 tanba mákina imprime BI orijinál avaria hela.

Diretór Nasionál Identifikasaun Sivíl no Rejistu Kriminál, Victor da Costa Neto,  informa, mezmu mákina imprime avaria maibé funsionáriu sira kontinua hala’o servisu  atendimentu ba komunidade ne’ebé presiza BI.

“Ami seidauk rekoopera mákina imprime BI nian iha Lautem, maibé munisípiu seluk normaliza hotu ona,” hateten Victor da Costa Neto, hodi responde Ajénsia TATOLI iha nia servisu fatin, ohin.

Dala balun, Victor hateten, komunidade Lautem mai fali trata sira nia BI iha Dili ho Baucau tanba mákina imprime seidauk hadi’a.

Iha Dili Rejistu Kriminál atende emisaun BI iha fatin rua. Ida iha konservatóriu Caicoli nian atende de’it ba públiku no seluk mak iha Departamentu Identifikasaun Rejistu Kriminál iha Nasionál.

Jornalista : Osória Marques

Editór       : Francisco Simões

 

HAKEREK NO HATÁN

Please enter your comment!
Please enter your name here