Estudante timororan sira fila ona husi Wuhan. Imajen: MNEK

DILI, 05 fevereiru 2020 (TATOLI) – Ministru Negósiu Estrangeiru no Kooperasaun (MNEK), Dionisio da Costa Babo Soares, ohin, informa estudante 17 konsege evakua sai hosi sidade Wuhan Xina ho aviaun Zelándia.

“Timoroan estudante 17 ne’ebé hela metin iha sidade Wuhan no sai ladi’ak durante fulan rua nia laran, ohin konsegue evakua sai hosi sidade Wuhan Xina ba Auckland, Nova Zelándia, ne’ebé sira sei tama iha fatin observasaun durante semana rua (loron 14), molok fila mai Timor-Leste”, Ministru Dionisio da Costa Babo Soares ba TATOLI, ohin.

Diplomata Timoroan ne’e reforsa, estudante na’in 17 ho Aviaun Air New Zealand Boeing 777-200 aranka hosi Wuhan kalan 11.00 (lokal time) ba Auckland, Nova Zelándia.

“Aviaun ho númeru NZ1942 sei to’o iha Auckland Internationál Airport kuarta, oras Nova Zelándia (NZT),”  governante ne’e afirma tan.

Eis-Ministru Justisa iha sestu governu katak aviaun ne’ebé komanda hosi Air New Zealand Chief Operational Integrity and Standards Officer, Captain David Morgan lori sidadaun Nova Zelándia, Australian  Pacific Island ho Timoroan.

Nune’e, Ministru Negósiu Estranjeiru no Kooperasaun Timor-Leste, Dionisio Babo Soares,  haksolok ho asisténsia Nova Zelándia ni’an.

“Lori governu no povu Timor-Leste hato’o obrigadu uain ba Estadu no governu Nova Zelándia, liuliu ba Vise Primeiru-Ministru no Ministru Negósiu Estranjeiru, Hon Winstons Petters, ba apoiu no prontidaun ne’ebé estende mai sidadaun Timor-Leste na’in 17 hodi lori sira sai hosi Wuhan Xina”.

Fatin destinasaun no númeru vou

“Wuhan – Auckland charter

Flight number: NZ1942

Aircraft: Boeing 777-200

Capacity: 312 seats

Expected flight time: 13 hours,” katak Diplomata Timoroan ne’e.

Notísia relevante:KM Aprova Osan $1.5 Millaun Atu Prevene Virus Corona

Jornalista : Nelia Fernandes

Editór        : Rafy Belo

1 KOMENTÁRIU

HAKEREK NO HATÁN

Please enter your comment!
Please enter your name here