Koordenadór Institutu Diplomátiku, Aurélio Guterres

DILI, 05 fevereiru 2020 (TATOLI)-Ministériu Negósiu Estranjeiru no Kooperasaun (MNEK) liuhusi Institutu Estudu Diplomátiku (IED) oferese formasaun ba diplomata juniór sira, durante loron tolu, hahú ohin. Formadór ba diplomata timoroan sira ne’e mai husi Canada.

Koordenadór IED, MNEK, Aurélio Guterres hateten, atividade ne’ebé oras ne’e hala’o iha IED ne’e nu’udar kontinuasaun kooperasaun entre Timor-Leste ho Embaixada Canada iha Jakarta. Tanba ne’e, formasaun ba diplomata timororoan sira hahú ona no sei kontinua nafatin to’o agora.

“Ita fokus ba iha kapasidade, abilidade oinsá mak diplomata sira bele halo komunikasaun eskrita no mós orál no oinsá ita-nia diplomata sira hala’o negosiasaun, bainhira sira hala’o sira-nia kna’ar iha rai li’ur no kestaun balun ligasaun mós ho etiketa ho asuntu protokolár,” Aurélio Guterres ba jornalista sira iha praia dos Coqueiros, Dili, ohin.

Diplomata sira ne’e tuir iha formasaun, tuir responsável másimu IED ne’e, hamutuk na’in 27 no maioria husi diplomata sira ne’e mak diplomata juniór sira.”Na’in 27 ne’e kuadru Ministériu Negósiu Estranjeiru ne’e, diplomata sira; maioria diplomata juniór sira, sira ne’ebé Primeiru-Sekretáriu, segundu Sekretáriu no terseiru sekretáriu”.

Matéria sira ba formasaun ne’e, nia informa, iha aspetu tolu  importante hanesan komunikasaun kapasidade ka abilidade iha komunikasaun diplomátika.

“Komunikasaun eskrita ou orál no mós ligasaun ho oinsá iha kapasidade atu halo negosiasaun maibé, detallu liu ita sira sei foka ba iha ou fahe ba módul 21 durante formasaun ne’e,” nia informa.

Notísia relevante:Embaixadór Dezignadu Na’in 11 Tuir Kursu Indusaun Iha IED

Jornalista: Nelia Fernandes

Editór   : Rafy Belo

 

HAKEREK NO HATÁN

Please enter your comment!
Please enter your name here