Veteranu António Ribeiro. Imajen/Osória Marques

DILI, 05 fevereiru 2020 (TATOLI)-Veteranu António Ribeiro, husi Suku Camea, Postu Admiistrativu Cristo Rei, Munisípiu Dili, aseita ho desizaun governu liuhosi Sekretáriu Estadu Kombatente Libertasaun Nasionál (SEACLN-sigla portugés) hodi koa osan pensaun veteranu kada fulan $ 30.00 tanba kontribui ba kriasaun fundu investimentu atu garante sustentabilidade ba veteranu sira iha futuru.

Osan Dolar Amerika.

SEACLN hahú koa ona veteranu hamutuk rihun 27-resin iha territóriu nia osan iha fulan-janeiru 2020.

Notísia Relevante : Governu Ko’a Pensaun Veteranu Ne’e Seguru

“Ha’u hanoin katak planu governu nian ne’e di’ak maibé tenke loke banku veteranu nian ketak ba  futuru jerasaun bele kontinua uza osan aman veteranu nian,”dehan nia ba TATOLI, iha Sede Aldeia Has-Laran, Suku Camea

Notísia Relevante : SEACLN Esklarese Governu Ko’a Veteranu Nia Osan $30.00

Nia fiar katak ho desizaun governu nian ne’e sei garante sustentabilidade fundu ba veteranu liliu bele asesu kreditu iha banku.

“Governu koa veteranu nia osan 30 dolar ba kada fulan hodi rai no prepara ba jerasaun tuir mai ne’e ita konkorda ho sira-nia desizaun, maibé ha’u-nia preokupasaun mak veteranu balu fen ho oan laiha no balu fen ho oan mate hotu ona,semak atu simu sira nia osan,”Nia preokupa.

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here