Estudante Eskola Ensinu Báziku Sentrál 1,2,3 Fleicha, Postu Administrativu Maubisse, Munisípiu Ainaro.Imajen/Egas Cristovão

DILI, 04 fevereiru 2020 (TATOLI) –Polítika ba programa Merenda Eskolár iha mudansa. Tanba ne’e, Ministériu Administrasaun no Estatál (MAE) sei loke konkursu públiku, liuliu iha Kapitál Dili, hodi oferese Merenda Eskolár (ME) ba estudante ensinu báziku sira.

Diretór Nasionál Finansa ba Munisípiu (DNFM), Valenti de Fátima Guterres hateten, atu alkansa programa ME iha 2020 ne’e, sei loke konkursu públiku atu nune’e kompania ne’ebé mak manan sei responsabiliza programa ne’e tuir termu kontratu.

“Ita sei loke ba públiku maibé ba de’it eskola sira ne’ebé mak iha kapitál (Dili). Agora ba eskola sira ne’ebé iha área rurais ita sei uza meius ajudikasaun,” Diretór Valenti de Fátima informa ba Agência TATOLI, iha nia gabinete, MAE, Colmera, ohin.

Tuir ezekutivu ne’e, prosesu ajudikasaun ne’e mós la viola prosedementu. Agora ninia prosesu ne’e mak tenke klaru, presiza haree didi’ak, atu haruka ba sé no sé mak atu kontrola tanba ne’e mak husi matadalan ne’ebé mak agora tékníku sira sei elabora daudaun ne’e mak sei sai guiaun.

Nia reforsa, kuandu respeita ba regra jestaun finansa ninia dalan mak ida ne’eduni; tenki loke konkursu. Maibé, tanba antes ne’e situasaun iha fatin barak ladun lao di’ak entaun labele alkansa sistema ida ne’e.”Maibé agora ita iha ona polítika ida katak eskola sira ne’ebé mak iha kapitál ita tenke loke prosesu ida ne’e”.

Agora, nia esplika, kuandu programa ME ne’e lao durante tinan barak, inan-aman sira mak responsabiliza maibé nunka solusiona problema sira ne’e. Ne’eduni politika foun ne’ebé DNFM hakarak aselera ne’e atu fo kontribuisaun ba munisípiu sira oinsá atu mellora sira-nia atendementu.

Portantu, DNFM iha ona preferénsia ba munisípiu lima mak hanesan Aileu, Manatuto, Ainaro, Ermera no Liquiça sei hetan tulun husi ajénsia internasionál sira hodi alkansa programa ME ne’e rasik no tarde liu fulan marsu tinan ida ne’e.

Notísia relevante:MEJD-MAE Hahú Elabora Manuál ME

Jornalista : Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here