Semaforu. Foto/Google.

DILI, 04 fevereiru 2020 (TATOLI) – Xefe Departamentu Sinál no Tránzitu Diresaun Nasionál Transporte Terrestre (DNTT), João Eugénio da Silva, informa DNTT hamutuk ho kompañia Sagus Unipessoal, Lda, hadi’a ona semáforu (lampu merah) iha loja lider oin no funsiona hikas.

“Iha sesta semana kotuk, ami ho parte kompañia Sagus hadi’a ona semáforu ne’ebé iha loja lider nia oin no agora funsiona hanesan bain-bain, laiha tan problema”, nia dehan ba Tatoli iha Balidi, segunda ne’e.

Nia realsa semáforu iha loja lider oin, aat dezde dezembru tinan kotuk tanba kauza hosi udan ho anin no rai-lakan hodi hafraku nia funsionamentu.

Tanba ne’e, DNTT fó atensaun tebes hodi foti medida, atu motorista no kondutór sira bele kumpre sinál tránzitu hodi prevene asidente tráfegu.

“Ha’u hanoin kona-ba sinál tránzitu sira, DNTT sei la ignora kuandu ida aat, ami esforsu hadi’a atu labele provoka engarrafamentu”, katak.

Notísia relevante : Motorista Sira Husu DNTT Hadi’a Semáforu Balun Ne’ebé La Funsiona

Jornalista : Natalino Costa

Editora : Maria Auxiliadora

HAKEREK NO HATÁN

Please enter your comment!
Please enter your name here