Polisia Investiga Hela Kazu Soe Bebé iha Fomento III
DILI, 03 fevereiru 2020 (TATOLI)- Komandante Jerál Polisia Nasionál Timor-Leste (PNTL), Komisáriu Faustino da Costa, informa, polisia Munisípiu Dili loke ona investigasaun ba kazu soe bebé iha fatin lixu iha área Fomento III, Dili, domingu (02/02/2020).
Notísia Relevante : PR Lú Olo: Justisa Tenke Sériu Julga Kazu Soe Bebé
Bebé mane ida ne’ebé ho kondisaun mate ona ne’e, polisia lori ba Ospitál Nasionál Guido Valadares (HNGV) hodi halo autópsia.
“Agora polisia buka nafatin autór ida ne’ebé soe bebé. Ita fiar katak, tempu besik, ami bele hetan ona inan ho aman ida ne’ebé maka aten boot halo buat sira ne’e,” afirma Komisáriu Faustino da Costa, ohin, ba jornalista iha Kuartél Jerál PNTL, Caicoli, Dili.
Notísia Relevante : PDHJ Prepara Ona Pareser Prevene Soe Bebé
Husi sorin seluk, Komandante PNTL Munisípiu Dili, Superintendente Xefe, Armando Monteiro relata katak, nia parte hatún ona ekipa hodi koordena ho Ofisiál Polisia Suku (OPS) no Membru Konsellu Polisiamentu Komunitáriu (KPK) hodi buka rekolla informasaun tuir iha área Fomentu III, inklui área Delta I, II ho III nian.
Notísia Relevante : GMPTL Buka Solusaun ba Problema Soe Bebé
Jornalista : Eugénio Pereira
Editór : Francisco Simões
