Servisu Tékniku DNSA iha terrenu. Imajen/SAS

DILI, 03 fevereiru 2020 (TATOLI)-Servisu Abastesimentu Água Munisípiu Dili instala tan ona bee posu lima iha Dili laran hodi atende nesesidade fornesimentu bee ba  komunidade.

Notísia Relevante : Bee Moos iha Kapitál Dili Komesa Menus

Xefe Departamentu Abastesimentu Água Munisípiu Dili, Francisco Pereira Xavier, informa, bee posu liman ne’ebé sira nia parte instala ona mak hanesan posu ida iha Postu Administrativu Vera Krús mak iha diresaun Nuu-laran Caicoli nian, Postu Kristu Rei (Bidau Santa-Ana) no Postu Dom Aleixo mak instala tolu (Comoro, Bebunuk ho Fatuhada).

Ba Ajénsia TATOLI iha nia servisu fatin, ohin, Francisco Pereira Xavier, informa, bee posu lima ne’e atu aumenta tan ba kapasidade bee nian tanba komunidade barak mak seidauk asesu bee moos ho di’ak.

Nia fiar katak, ho bee posu lima bele sufisiente ba komunidade sira nia nesesidade bázika nian.

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here