Diretór Klínika Óspital Nasionál Guido Valadares (ONGV), Flavio Brandão. Imajen/Facebook.

DILI, 30 janeiru 2020 (TATOLI)-Diretór Klíniku Ospitál Nasionál Guido Valadares (HNGV), Flavio Brandão informa, membru FALINTIL-FDTL (Forsa Defeza Timor-Leste) ne’ebé fila husi Xina, Provínsia Wuhan bainhira tuir treinamentu, seidauk identifika sintoma ruma.

Agora daudaun sira iha fatin izolamentu HNGV tanba de’it sira mai husi fatin ne’ebé mak afetadu nune’e mak tau sira iha ne’ebá fó atensaun de’it.

“Ita tau sira iha ne’ebá tanba ita-nia forsa na’in rua ne’e mai husi fatin afetadu, Wuhan, tanba sira mós seidauk to’o loron 14 tanba ne’e mak ita izola sira iha fatin izolamentu ida ne’e,” Diretór Klíniku HNGV, Flavio Brandão ba jornalista sira iha HNGV, ohin.

“Sira sai husi ne’ebá mai Timór sira seidauk to’o loron 14 no sira iha fatin izolamentu, sira presiza loron haat ka lima para hodi haree para kompleta sira-nia loron,” médiku timoroan ne’e konfirma.

Nia haktuir, molok virus corona ne’e atu akontese iha Wuhan, membru F-FDTL na’in rua ne’e sai husi ona husi fatin afetadu hodi fila hikas mai Timor-Leste.

Tanba sira mai husi fatin ne’ebé mak afetadu hanesan Wuhan, entaun risku hela, entaun ita sura loron ne’e seidauk loron 14 faze inkupasaun virus nian sei ativu hela entaun ita izola sira maibé sira agora to’o ona iha HNGV.

“Entaun forsa na’in rua ne’e sei iha ami-nia fatin maibé seidauk iha sintoma ida kona ba coronavirus maibé ita halo teste ida hanesan raiu-x para haree evidénsia pneumonia iha ka lae. Se banhira iha, ita halo teste ba fatin ne’ebé besik hanesan iha Bali no Singapura para hodi hatene no sira lori duni moras ida ne’e ka lae,” Diretór Klíniku HNGV, Flavio Brandão esplika.

Notísia relevante:Sintoma Virus Corona

Jornalista : Felicidade Ximenes

Editór       : Rafy Belo

HAKEREK NO HATÁN

Please enter your comment!
Please enter your name here