Ilustrasaun Coronavírus. Imajen/bncampinas.com

DILI, 27 janeiru 2020 (TATOLI)-Virus Corona  nu’udar família husi virus respiratóriu ne’ebé mak bele kauza moras hahú husi inus-been baibain to’o moras sériu sira hanesan sindroma respiratóriu mediu oriente no sindroma respiratóriu agudu grave.

Agora daudaun iha surtu kona-ba moras pneumonia ne’ebé mak kauza husi virus tipu foun husi virus corona ne’ebé mak relata ona husi sidade Wuhan provinsia Hubei Xina.

Sintoma komun husi moras ne’e mak hanesan isin-manas me’ar no susar atu dada iis dadus.

Informasaun sira ne’e sensibiliza husi Ministériu Saúde (MS), iha broxura, ne’ebé mak distribui husi Diretora Jerál Prestasaun Saúde, Odete Viegas da Silva, iha Caicoli, ohin.

Tuir informasaun ne’e katak atu redús ka evita risku jerál husi infesaun respiratóriu aguda durante halo viajen husi fatin afetadu  hanesan sidade Wuhan no sira ne’ebé halo viajen presiza evita atu besik malu halo kontaktu isin ho ema sira ne’ebé mak sofre infesaun respiratóriu agudu. No, evita atu iha kontaktu direita ho balada moris no mate sira.

Karik iha aviaun laran no ró laran no iha ema ruma mak hetan sintoma indika ona katak infesaun respiratoriu aguda favór ida bele fo hatene lalais kedas ba autoridade saúde iha aeroportu portu no pontu de entrada fronteira rai maran nian.

Fase liman beibeik liuliu depois iha kontaktu direita ho ema moras no ambiente hirak ne’ebé la moos.

Sira ne’ebé halo viajen karik ho sintoma hetan infesaun respiratóriu agudu presiza atu pratika me’ar ne’ebé mak loos,  mantein distánsia banhira me’ar, uza tisu ka lensu ruma hodi taka ibun banhira fani no me’ar no fase liman depois me’ar no fani. Aleinde ne’e te’in hahan, na’an halo tasak di’ak mak foin han.

Notísia relevante:Virus Corona Afeta Ba Sistema Respiratóriu

Jornalista    : Felicidade Ximenes

Editór          : Rafy Belo 

HAKEREK NO HATÁN

Please enter your comment!
Please enter your name here