Ministru Defeza no Ministru Interiór Interinu, Filomeno da Paixão de Jesus. Imajen/ Egas Cristovao

DILI, 29 janeiru 2020 (TATOLI) – Polítika VIII Governu Konstitusionál hodi hamosu Autoridade Marítima atu re-íntegra  servisu liña ministeriál hodi poupa rekursu umanu no poupa mós osan estadu atu labele gasta arbiru.

Notísia Relevante : KM Sei Estuda Opsaun ba Kriasaun Sistema Autoridade Nasionál Marítima

Proposta kriasaun Autoridade Marítima ne’e rasik agora Konsellu Ministru sei diskute ona atu bele integra servisu Autoridade Marítima tutela ba Ministériu Defeza ka Ministériu Interiór.

“Kriasaun Autoridade Marítima agora hein de’it, ita konsulta hotu ho liña ministeriál hodi hein hasa’e mai Konsellu Ministru para haree nia konseitu finál hodi foti desizaun ba dekretu lei ida atu dehan Autoridade Marítima ne’e tutela ba sé,” Ministru Defeza no Ministru Interior Interinu, Filomeno de Jesus da Paixão hateten hodi responde Ajénsia TATOLI, ohin, iha Palásiu Governu, Dili.

Notísia Relevante : TL Presiza Autoridade Marítima Hodi Kontrola Tasi

Autoridade Marítima ne’e sei kompostu husi Ministériu Defeza no F-FDTL, Ministériu Interiór no PNTL, Diresaun Nasionál Servisu Migrasaun Timor-Leste, Ministériu Finansas, Autoridade Aduaneira, Ministériu Transporte no Telekomunikasaun, Ministériu Saúde, Ministériu Agrikultura no Peska no liña ministériu seluk tan.

Jornalista : Eugénio Pereira

Editór       : Francisco Simões

HAKEREK NO HATÁN

Please enter your comment!
Please enter your name here