Kampung Alor Dili. Imajen/Dok,Tatoli.

DILI, 29 janeiru 2020 (TATOLI) -Autoridade Munisípiu Dili, iha tempu badak, sei sobu barraka iha estrada ninin Kampu Alor nian.

Notísia Relevante : Negosiante Kampu Alor Balun Muda ba Bonavide “One Stop Shop”

Barraka hamutuk 70-resin ne’e nu’udar fatin ba negosiante Kampu Alor ne’ebé husik mamuk ona iha tinan kotuk hodi muda ba fali iha Golgota Plaza.

Vise Ministru Administrasaun Estatál (MAE), Abílio Jose Caetano, foin lalais, konvoka ona enkontru koordenasaun ho Autoridade Munisípiu Dili no liña ministériu sira hanesan Ministériu Turizmu Komérsiu  no Indústria, Ministériu Obras Públika, Komandu PNTL Munisípiu Dili, atu trata lalais situasaun ne’e.

“Ita hala’o ona enkontru koordenasaun. Iha tempu badak Autoridade Munisípiu Dili sei sobu baraka sira ne’ebé iha Kampu Alar,” hateten Vise Ministru Abílio Jose Caetano, ba Ajénsia TATOLI, ohin, iha Palásiu Governu.

Nia klarifika katak, desizaun no asaun governu nian ne’e atu evita ema la bele ba hela fali iha uma sira nia laran tanba iha tinan kotuk programa governu nian liu husi autoridade Munisípiu Dili hamamuk no muda vendedores sira ba fatin foun Golgota Plaza.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here