Diretór Jerál STAE, Edgar Siqueira Martins. Imajen/Osória Marques

DILI, 27 janeiru 2020 (TATOLI) – Iha tinan 2019, Sekretariadu Tékniku Administrasaun Eleitorál (STAE) emite kartaun eleitorál ba eleitór foun hamutuk 16.426.

Notísia Relevante : STAE Kontinua Atualiza Kartaun Eleitorál ba Eleitór

Diretór Jerál STAE, Edgar Siqueira Martins, ohin, informa ba Ajénsia TATOLI iha nia servisu fatin, katak,  iha tinan tuan 2019 , STAE emite kartaun eleitorál hamutuk 810.077 husi munisípiu 12 inklui  Rejiaun Administrativu Espesiál Oe-Cusse Ambeno (RAEOA), kompostu  husi eleitór foun 16.426, atualizasaun kartaun 9.819 ho mós eleitór ne’ebé muda hela fatin na’in 2.118.

STAE mós emite  kartaun eleitorál ba Timoroan sira rai li’ur, hanesan iha Australia, Korea do Sul, Irlanda do Norte, Portugal no Reinu Unidus hamutuk na’in 6.109 kompostu husi eleitór ne’ebé mak atualiza kartaun eleitorál no muda hela fatin.

Edgar Siqueira  afirma, STAE kontinua halo atendimentu ba sidadaun sira iha territóriu Timor-Leste tomak hahú husi eleitór ho idade tinan 17 ba leten, inklui mós ba sidadaun sira ne’ebé mak atualiza kartaun eleitorál no balu ne’ebé hakarak muda fatin ka hela fatin husi suku ida ba suku seluk.

“Ami kontinua fó atendimentu ba sidadaun sira ne’ebé mak atu muda sira-nia hela fatin no atualiza kartaun eleitorál nune’e mós rejistu foun,”  tenik Edgar Siqueira.

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here