Diretor Jerál STAE, Edgar Sequeira Martins. Imajen/Osório Marques.

DILI, 25 setembru 2019 (TATOLI)-Diretór Jerál Sekretariadu Tékniku Administrasaun Eleitorál (STAE), Edgar  Sequeira Martins, informa, STAE kontinua halo atualizasaun dadus ba eleitór sira atu hadi’a sira ninia kartaun no mós halo resensiamentu foun ba sidadaun sira ne’ebé atinje ona tinan 16 hodi hetan kartaun eleitorál.

“Ami kontinua halo atualizasaun baze dadus ba eleitór sira ne’ebé mak hakarak muda nia Eleitorál,” informa Diretór Jerál STAE ba Ajénsia TATOLI, ohin,  STAE, Caicoli, Dili.

Atualizasaun dadus no rejistu foun ba eleitór foun ne’e hala’o iha Munisípiu 12 inklui Rejiaun Administrativa Espesiál  Oé-Cusse Ambeno (RAEOA) hahú ona iha  Janeiru no sei ramata iha Dezembru 2019.

Husi Janeiru to’o Jullu ne’e, STAE rejistu ona eleitór sira  hamutuk 800.000 kompostu husi mane 415.000 no feto 385.000. Maibé, dadus  husi  fulan Agostu to’o fin Setembru ninian, parte STAE sei halo sinkronizasaun tanba ne’e kada fulan númeru eleitór sei aumenta.

Hatán kona-ba estoke blanku kartaun eleitorál, Diretór Jerál STAE, Edgar  Sequeira Martins, hatete, sei sufisiente to’o inísiu 2020.

Jornalista : Osório Marques

Editór       : Francisco Simões

HAKEREK NO HATÁN

Please enter your comment!
Please enter your name here