Bolseira na'in-neen iha sidade Wuhan ne'ebé hasoru situasaun menus hahán. Imajen/Zelita Viegas.

DILI, 27 janeiru 2020 (TATOLI) – Governu Timor-Leste liuhusi Ministru Ensinu Superiór Siénsia no Kultura (MESSK), Longuinhos dos Santos, halo ona kontaktu ho bolseiru timoroan na’in 20 iha Provinsia Wuhan (Xina) hodi fó nafatin korajen ba sira atu labele pániku to’o Governu foti desizaun ruma ba sira.

“Ha’u sei enkontru ho MNEK (Ministru Negosiu Estranjeiru no Kooperasaun) no Ministru Estadu atu haree mekanizmu, liu-liu analiza se atu halo evakuasaun ba ita-nia bolseiru sira atu tau iha ne’ebé. Sira fila mai iha Timor-Leste ka mantein iha Xina”, katak Ministru Ensinu Superiór Siénsia no Kultura (MESSK), Longuinhos dos Santos, ba jornalista sira iha nia knaar fatin, Kolmera, ohin.

Tuir nia, estudante sira iha Wuhan ne’e bele evakua de’it mai iha Xangai maibé mekanizmu ne’e oinsá presiza halo kooperasaun ho Xina atu bele halo atendementu emerjensia ba bolseiru timoroan sira.

“Tansa? Tanba kondisaun ne’ebé estudante sira iha Provinsia Wuhan la’os enfrenta de’it ba virus Corona, menus ba hahan,” nia haktuir.

Entertantu, nia infroma, bolseiru sira ne’ebé eskola iha xina hahú iha 2018 hamutuk ho bolseiru benefisiariu timoroan iha Xina ne’e hamutuk 119 ne’ebé kategoria ba bolseiru parsiál.

Notísia relevante:Bolseiru Timoroan iha Xina Sente Ameasadu ho Virus Corona, Husu Governu atu Evakua Sira

Jornalista : Tomé Amado

Editór       : Rafy Belo

HAKEREK NO HATÁN

Please enter your comment!
Please enter your name here