Estudante no komunidades sira partisipa iha Marsa ba Dame nebe hahu husi Hotel Timor to iha CCD hodi komemora 20 anos 4 Setembru 1999-2019 ONU anusia rezultadu konsulta popular ou Referendum.Imajen/Antonio Goncalves

DILI, 22 janeiru 2020 (TATOLI)-Polítika Ministériu Edukasaun, Juventude no Desportu (MEJD) nian ba tinan 2020 ne’e mak subsídiu merenda eskolár ba kada estudante ensinu báziku sira iha territóriu sei aumenta, husi sentavu 0,25 ba sentavu 0,50, maibé tanba Orsamentu Jerál Estadu (OJE) sumba iha Parlamentu Nasionál (PN) mak MEJD liuhusi Dirasaun Nasionál Asaun Sosiál Eskolár (DNASE) mantein nafatin ho sentavu 0,25.

“Ita kontinua mantein fila fali ho 0,25 sentavu ba merenda eskolár tanba ita laiha orsamentu atu aumenta ba merenda eskolár iha tinan 2020 ne’e,” Diretór DNASE, Belchior Barros Guera informa ba Agência TATOLI, iha nia Gabinete, MEJD, Vila Verde, ohin.

Ezekutivu ne’e akresenta, depois OJE sumba iha PN, nia parte fó nafatin orientasaun ba estabelesimentu ensinu sira iha territóriu Timór laran tomak katak mezmu 2020 ne’e ita enfrenta ho orsamentu duodésimu maibé programa merenda eskolár kontinua la’o nafatin.

Implementasaun merenda eskolár ne’e mak sei la tuir ona kalendáriu ka oráriu ne’ebé iha. Purezemplu, iha janeiru iha loron 22, DNASE sei labele implementa kompletu tanba orsamentu duadesimu la to’o. Entaun sei implementa de’it loron ualu tanba tenke jere ho didi’ak.

“Planu sira ne’ebe mak DNASE ho Ministeriu Administrasaun Estatál (MAE) trasa ona kona-ba merenda eskolár nian ne’e ita tenke trava lai no kontinua la’o tuir nafatin saida mak iha ona. Ita nafatin apoiu osan merenda eskolár ba loron ualu nian depois parte eskola mak halo jestaun”.

Entertantu, husi planu ne’ebé mak iha ona loloos ne’e kuandu OJE 2020 ne’e mak pasa, DNASE sei apoiu foos no MAE mak apoiu orsamentu 0,50 sentavu ba kada estudante. “Maibé buat hotu la sai realidade entaun tenke trava”.

Notísia relevante:Subsídiu Merenda Eskolár Kada Estudante Sei Aumenta Ba Sentavu 50  

Jornalista    : Tomé Amado 

Editór          : Rafy Belo

HAKEREK NO HATÁN

Please enter your comment!
Please enter your name here