Estudante Estudante Eskola Ensinu básiku Filial 12 Otubru Tasitolu. Imajen/Antonio Goncalves

DILI, 11 outubru 2019 (TATOLI)-Dirasaun Nasionál Asuntu Sosiál Eskolár (DNASE), Ministériu Edukasaun, Juventude no Desportu (MEJD) fornese foos rai ho tonelada 207 ba dala ikus ba eskola Públiku no eskola komunidade 78 iha Munisípiu Dili.

Tanba tinan oin laiha tan ona programa fornesementu foos ba eskola sira maibé subsidiu ba merenda eskolar nian, MEJD hasa’e tan ba sentavu 0,50.

“2020 ami la fornese tan ona foos ba eskola sira maibé subsídiu merenda eskolár 0,25 sentavu ne’e mak ami hasa’e tan ba 0,50 sentavu,” informa Diretór DNASE, Belchior Maria Almeida Barros ba Ajénsia TATOLI iha edifísiu Imprimi Nasionál Timor Leste-INTL, Colmera, Sesta (11/10/2019).

Tanba orsamentu merenda eskolar ba 2020 nian, tuir nia, hetan ona aprovasaun husi Komisaun Revizaun Orsamentu ne’e duni programa fornesimentu foos taka ona ba tinan ida ne’e

Maibé antes ne’e planu DNASE nian atu fornese mós foos rai ba Munisípiu lima seluk maibé tanba tempu limitadu lakonsege halo distribuisaun.

“Agora programa distribuisaun foos rai ba eskola sira ne’e fokus de’it ba eskola públiku no eskola komunidade maibé eskola privadu la kobre ida,” nia konklui.

Notísia relevante:DNASE Sei Fornese Foos-Rai Saka 8.000 Apoiu Programa Merenda Eskolár

Jornalista : Tomé Amado

Editór       : Rafy Belo

1 KOMENTÁRIU

  1. Diak liutan aumenta sistetema kontrolo ba fornesimento aihan sira ne’e, atu nune’e fornese hahan lokal ba estudantes sira.
    Se siatema kontrolo mantein laiha, maka hahan sira ne’e sei fornese nafatin hahan eaportasaun no dodok/fohuk ba eskola sira ne’e.

HAKEREK NO HATÁN

Please enter your comment!
Please enter your name here