DILI, 18 janeiru 2019 (TATOLI) – Primeiru interrogatóriu ba suspeitu CMB, ohin, iha Tribunal Distritál Dili (TDD) aplika prizaun preventiva ba CMB.
Notísia Relevante : Autoridade Detein Timoroan Lori Sabu-Sabu Kilograma 3,253
CMB nu’udar timoroan ida ne’ebé ema estranjeiru ida husi Nijéria utiliza hodi simu importasaun droga ho tipu sabu-sabu kilograma 3,253 iha Aeroportu Internasionál Prezidente Nicolau Lobato, foin lalais ne’e.
Audiénsia primeiru interrogatóriu ne’e prezide husi juiz singular Antonio Fonseca, Ministériu Públiku reprezenta husi Prokuradór Hernani Rangel, no suspeitu CMB hetan asisténsia legal husi advogadu privadu, Fernando da Costa.
Notísia Relevante : Polisia Deskobre Droga Nijéria iha Sekuénsia ho Kazu Kazál Timoroan
Defeza Fernando da Costa, konsidera, aplikasaun prizaun preventiva ba nia kliente CMB fundamenta uitoan tanba Tribunal iha razaun sufisiente no nu’udar defeza iha prazu loron 15 atu halo rekorre ba iha desizaun primeira instánsia Tribunal Distritál Dili nian.
Ministériu Públiku rasik akuza CBM komete lei armas branka númeru 02/2017 ba Tráfiku ilísitu ba droga. Tanba ne’e iha alegasaun husi Ministériu Públiku husu prizaun preventiva no defeza husu atu aprezentasaun periódika.
Notísia Relevante : Suspeitu Kazu Droga Submete ba Primeiru Interrogatóriu iha Tribunal
Jornalista : Domingos Piedade Freitas
Editór : Francisco Simões