Primeiru-Ministru, Taur Matan Ruak. Imajen Tatoli/António Gonçalves

DILI, 17 janeiru 2020 (TATOLI)—Primeiru-Ministru (PM), Taur Matan Ruak hateten desizaun tomak hein hosi Prezidente Repúblika (PR), Francisco Gurerres Lú Olo ba situasaun atuál agora.

“Agora ita hein Prezidente Repúblika. Prezidente Repúblika akompaña naturalmente debate durante ne’e. Entaun, ita haree to’ok loron hirak tuir mai oinsá,” Taur dehan ba jornalista sira hafoin ramata votasaun jeneralidade Orsamentu Jerál Estadu (OJE) 2020, iha plenária Parlamentu Nasionál, sesta ne’e, iha ne’ebé rezultadu hosi votasaun ne’e hatudu OJE refere la pasa.

Lee mós: Proposta OJE 2020 La Pasa

Taur mós hateten, desizaun atu ba Eleisaun Antesipada ka halibur filafali partidu polítika sira, ne’e depende ba Prezidente Repúblika tanba ne’e kompeténsia tomak Xefe Estadu nian.

“Ita haree ohin deputadu CNRT hateten sira la kontente ho ema-na’in-9 la simu pose. Ida fali maka iha buat balun sira la gosta iha Governasaun ida-ne’e. Ne’ebé, ba ha’u, ne’e pasu ida normál,” nia subliña.

Nune’e, nia husu ba povu hotu atu hakmatek iha ida-idak nia fatin no fiar nafatin líder sira tanba solusaun sei iha.

Jornalista: Hortençio Sanchez

Editór: Xisto Freitas

HAKEREK NO HATÁN

Please enter your comment!
Please enter your name here