Logotipu KAK

DILI, 16 janeiru 2020 (TATOLI) – Iha tinan 2020 ne’e, Komisaun Anti Korrupsaun (CAC-sigla portugés) énfaze programa prioridade tolu iha servisu apoiu no kooperasaun.

Notísia Relevante: Trade Investment Canada Buka Hatene Servisu KAK

Adjuntu Komisariu KAK, Alexandre Freitas. Imajen/Domingos Piedade

Adjuntu Komisáriu KAK ba asuntu Servisu Apoiu no Kooperasaun, Alexandre Freitas, informa, programa prioridade tolu ne’e; primeiru mai iha interna nian mak atu haforsa dezenvolvimentu no sistema internal KAK nian atu bele hala’o servisu di’ak liu tan.

Segundu, hakarak atu dezenvolve medida sira hodi prevene aktu korrupsaun nian no oinsá dezenvolve estratéjia nasionál liuhusi konferénsia nasionál nian, ne’ebé sei realiza iha loron iha loron 24 – 25 fevereiru 2020, ezisténsia tinan 10 KAK nian iha TL.

Terseiru, haforsa medida sira kona ba investigasaun nian, liga ho kazu korrupsaun nian. “Buat tolu ne’e mak komisaun halo iha tinan 2020 nian,” tenik Alexandre Freitas, ohin, iha Dili, hodi responde Ajénsia TATOLI.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here