Adjuntu Komisariu KAK, Alexandre Freitas. Imajen/Domingos Piedade

DILI, 16 janeiru 2020 (TATOLI) – Komisaun Anti Korrupsaun (CAC-sigla portugés), ohin, simu delegasaun Trade Investment husi Canada ne’ebé halo vizita kordiál ba edifísiu KAK hodi buka hatene servisu KAK nian, inklui estatutu KAK nian.

Vizita delegasaun trade investment Canada ne’e atu hatudu mós sira ninia vontade hodi konvida investor sira husi Canada atu bele investe iha area poténsia balun iha Timor-Leste.

“Ha’u hanoin vizita kordiál delegasaun Canada husi Trade Investment nian mai iha KAK hodi bele hatene kona ba lala’ok no servisu KAK, mekanizmu hato’o keixa no estatutu KAK nian,” informa Adjuntu Komisáriu KAK, ba asuntu Servisu Apoiu no Kooperasaun, Alexandre Freitas.

Oportunidade ne’e parte rua mós ko’alia kona-ba oinsá sira atu lori investidór sira husi sira nia rain investe iha timor, mak sira mós buka hatene situasaun Timor liuhusi KAK hanesan polítika no sistema KAK nian hodi prevene korrupsaun no boa governasaun.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here