Adjunto Komisariu KAK, ba Asuntu Prevensaun no Sensibilizasaun, Luis de Oliveira Sampaio

DILI,15 janeiru 2020 (TATOLI)-Komisaun Anti Korrupsaun(CAC-sigla portugés) tuir planu iha tinan 2020 sei kontinua sensibiliza informasaun ba sidadaun hotu iha munisípiu atu oinsá kontribui  hodi prevene ba aktu korrupsaun  sira iha Timor-Leste.

Adjuntu Komisaun Anti Korrupsaun, ba Asuntu Prevensaun no Sensibilizasaun, Luis de Oliveira Sampaio, hateten sensibilizasaun informasaun ba funsionáriu públiku, autoridadade lokál,autoridade munisipál, jovens no estudante sira ne’e konsidera  importante  tebes atu bele kontribui hodi halo prevensaun ba korrupsaun.

Notísia Relevante:KAK Kontinua Halo Sosializasaun ba Prevensaun Korrupsaun

“Tinan 2020 KAK sei esforsu nafatin atu bele hala’o serbisu KAK nian hanesan prevensaun ba korrupsaun iha munisípiu ne’ebé mak seidauk vízita husi KAK,”dehan eis Diretór JSMP, Luis de Oliveira Sampaio, ba TATOLI, iha edifísiu KAK Faról Dili, tersa horiseik.

Nia hateten, iha tinan kotuk, KAK konsege halo sensibilizasaun informasaun ba públiku sira  iha Munisípiu Aileu, Ainaro, Suai, Bobonaro, Viqueque,Lautem,  tanba ne’e sei kontinua ba munisípiu Baucau, manatuto, Covalima, manufahi no seluktan.

Notísia Relevante:KAK Dezenvolve Estratéjia Nasionál ba Kombate Korrupsaun

Alende sensibilizasaun informasaun, tuir planu instituisaun nian sei halo mós inspesaun ba liña ministeriál sira kona-ba bens imoveis, halo estudu no avalia ba risku korrupsaun, dezenvolve estratéjia nasionál anti korrupsaun no seluk tan.

Jornalista : Domingos Piedade Freitas

Editór:Francisco Simões

HAKEREK NO HATÁN

Please enter your comment!
Please enter your name here