Komisáriu KAK, Sergio Hornai. Imajen/António Gonçalves.

DILI, 13 novembru 2019 (TATOLI)-Komisaun Anti Korrupsaun (CAC-sigla portugés),  daudaun ne’e, dezenvolve hela polítika  estratéjia nasionál ba kombate korrupsaun.

Notísia Relevante : KFP, KAK, PDHJ ho IJE Koopera Malu ba Asegura Governasaun Di’ak iha Instituisaun Estadu

Planu estratéjia nasionál kombate korrupsaun ne’e atu bele iha manual própriu vínkula ba instituisaun estadu hotu no sosiedade sivíl sai hanesan matadalan  hodi  rádika hamenus  kriminalizasaun no  oinsá kombate korrupsaun nian liu-liu iha area prevensaun.

“Hamutuk ho organizasaun nasionál no internasionál sira, ami dezenvolve hela formulasaun polítika estratéjia kombate korrupsaun,” informa Komisáriu KAK, Sergio Hornay ba Ajénsia TATOLI, ohin, iha salaun komisaun Funsaun Publika Matadoru, Dili.

Bainhira ezbosu polítika estratéjia kombate korrupsaun ne’e finaliza,  tuir Sergio Hornay, sei aprezenta ba  Primeiru-Ministru hodi hala’o desizaun iha nivel altu.

Antes ne’e  mós KAK halo ona konsultasaun  ho  Ministériu Reforma Lejizlativa no Asuntu Parlamenteres (MRLAP), Ministériu Justisa (MJ), Ministériu Negósiu  Estranjeiru no Kooperasaun (MNEK)  hodi kontribui hanoin mós ba dezenvolve polítika estratéjia kombate korrupsaun  ne’e.

Tuir Sergio Hornay, problema korrupsaun la’ós responsabilidade KAK nian, mas problema entidade ho sosiedade hotu nian. Tanba ne’e, hotu-hotu hamutuk atu bele luta kontra korrupsaun.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here