Japaun Kontinua Apoiu Dezenvolvimentu TL
DILI, 14 janeiru 2020 (TATOLI) – Vise-Ministru Negosiu Estranjeiru Asuntu Parlamentár Japaun, Nakayama Norihiro, hateten Japaun iha nafatin komprimisiu hodi kontinua aselera dezenvolvimentu Timor-Leste (TL) iha setor infrastrutura, edukasaun, asisténsia médika, bee no saneamentu inklui ekonomia.
Nia hatutan, apoiu ida ne’e nu’udar komprimisu ida ne’ebé Japaun fó ba Timor-Leste tanba hakarak diversifika dezenvolvimentu Timor-Leste nian. Japaun, nia dehan, hamutuk ho Instituisaun Internasionál sira seluk fó apoiu makaas ba Timor-Leste.
“To’o ohin loron ami kontinua fó apoiu iha área diversiu atu mellora infraestrutura, edukasaun, asisténsia médika, bee no saneamentu inklui diversifika ekonómika,” Nakayama Norihiro dehan, iha serimónia aniversáriu ba dala-20 Kooperasaun Timor-Leste ho Japaun iha Hotel Timor, Dili, tersa (14/01/2020).
Nia hatutan, husi 1999 to’o 2012 destakamentu pesoál forsa sívil no auto-defeza ba operasaun manutensaun ba pás Nasaun Unida nian.
Japaun mós, ni dehan, hamutuk ho instituisaun Internasionál sira seluk apoiu Timor-Leste liuhusi manutensaun tanba hakarak hadi’a kualidade timoroan no povu Timor-Leste nia moris.
“Japaun hahu fó ninia apoiu dahuluk iha fulan dezembru 1999 liuhusi enkontru doadores kona-ba Timor-Leste ninia dezenvolvimentu iha Tokyo. Husi ida ne’e mak kooperasaun Japaun ho Timor-Leste hahú dahuluk ho operasaun manutensaun ba pás nomós hahú projetu ba asistensia dezenvolvimentu ekonómiku Timor-Leste nian.
Notísia relevante:Japaun Prontu Apoia Dezenvolvimentu Transporte Marítima TL
Jornalista : Tomé Amado
Editór : Rafy Belo
