Ministra Finansa ein ezersísiu, Sara Lobo Brites. Imajen/Tatoli Egas Cristovao

DILI, 09 janeiru 2020 (TATOLI) – Ministra Finansa interina, Sara Lobo Brites, hateten transferénsia Dotasaun Orsamentál Temporária (DOT) ba liña ministeriál no instituisaun Estadu tarde, ladún fó impaktu makaas.

“Ha’u la haree ninia impaktu makaas tanba ita foin taka iha 31 dezembru ne’ebé diferensa de’it semana ida. Tan ne’e, sei natoon hela hodi ami halo transferénsia dotasaun orsamentu temporária ne’e ba iha ministériu no instituisaun Estadu sira. Kona-ba Montante orsamentu aprova lai iha Konsellu Ministru maka foin hateten”, Sara Lobo Brites informa iha Parlamentu Nasionál, ohin.

Atuál Vise-Ministra Finansa ne’e afirma, Ministériu Finansa (MF) preparada ona hodi lori DOT ba aprezenta iha Konsellu Ministru.

“Orsamentu doudésimu ne’e ami finansa preparadu hela hodi aprezenta ba Konsellu Ministru, no ami hein Konsellu Ministru tau iha ajenda”, Sara Lobo Brites afirma.

Governante ne’e salienta MF simu ona informasaun katak Konsellu Ministru sei realiza iha segunda (13/01/2020).

Notísia relevante : Distribuisaun DOT Hein Desizaun KM

Jornalista : Antónia Gusmão

Editora : Maria Auxiliadora

HAKEREK NO HATÁN

Please enter your comment!
Please enter your name here