Komisáriu CAC, Sergio Hornai. Imajen/António Gonçalves.

DILI, 08 janeiru 2020 (TATOLI) – Proposta orsamentu Komisaun Anti Korrupsaun nian ba tinan fiskál 2020 purvolta $1.774,00, maibé halo tiha redusaun rihun $91. Ho nune’e, Komisáriu KAK, Sergio Hornai, kuarta (08/01/2020), halo hikas audiénsia ho Komisaun A Parlamentu Nasional (PN) atu bele tau konsiderasaun bainhira halo diskusaun iha plenária mai.

Notísia Relevante : KAK Halo Sensibilizasaun Kona-ba Prevensaun Korrupsaun iha Munisípiu

Hafoin audiénsia ho Komisaun A PN, Komisáriu Sergio Hornai, esplika, redusaun orsamentu KAK nian purvolta rihun $91 bele impaktu ba servisu KAK nian, liuliu kuandu halo servisu investigasaun ba prosesu ruma iha munisípiu sira.

“Hanesan ita hotu hatene katak KAK nia osan nee uitoan, ne’ebé purvolta $1.774,00, entaun nee hanesan mahon been oan ida de’it ne’ebé monu iha tasi laran, maibé la’ós ida nee sai hanesan kestaun, oinsá ita rasik atu halo armonizasaun ba ida-idak nia servisu,” afirma Komisáriu Sergio Hornai.

Notísia Relevante : KAK Finaliza Ona Prosesu ba Kazu Korrupsaun 43

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here