DILI, 07 janeiru 2020 (TATOLI)-Iha proposta orsamentu tinan fiskál 2020 nian, Ministériu Solidariedade
Sosiál no Inkluzaun (MSSI) prevee osan rihun $200  hodi sosa tan karreta funeráriu lima (5).

Notísia Relevante : MSSI Fornese Ona Kaixaun 856 ba Familia Kbiit Laek

Vise Ministra MSSI, Signi Chandrawati Verdial, hateten, daudaun ne’e karreta funeráriu ualu (8) mak halo hela atendimentu transporta mate isin husi Dili ba munisipiu to’o postu administrativu no suku sira, tanba ne’e, presiza aumenta tan hodi bele atende nesesidade povu nian hodi transporte kadavél família sira husi Dili ba foho.

Kona-ba karreta funeráriu rua ne’ebé aloka ba munisípiu ida-idak iha territóriu, inklui Rejiaun Administrativu Espesiál Oe-Cusse Ambeno (RAEOA) avaria hotu ona, Vise Ministra Signi Chandrawati Verdial, klarifika katak, karreta funeráriu sira ne’ebé destaka iha munisípiu sira  iha responsabilidade autoridade munisípiu sira nian.

“Kada munisípiu ita iha karreta rua, kona-ba kestaun avaria no la funsiona ne’e kompeténsia administradór sira nian, tanba sira mak jere,” hateten Signi Chandrawati Verdial, hodi responde TATOLI iha Parlamentu Nasional (PN), tersa (07/01/2020).

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here